বিটিআৰ প্ৰধান প্ৰমোদ বড়োয়ে বাক্সাৰ তামুলপুৰত উপস্থিত হৈ বিধানসভাৰ নির্বাচনক লৈ কেইবাটাও গুৰুত্বপূৰ্ণ মন্তব্য কৰে।
তেওঁ কয়- নির্বাচনক লৈ বিজেপি তথা জিএছপি দলৰ সৈতে ইউপিপিএলে এতিয়াও কৰা নাই আসনৰ কোনো বুজাবুজি ৷
বৰ্তমান সকলোৱে নিজৰ নিজৰ জংগল হে চাফা কৰি আছে ৷ সমষ্টি তথা ৰাইজৰ সমৰ্থন থাকিলে যি দলে প্ৰাৰ্থী তেঁৱেই জয়ী হব বুলি প্ৰমোদ বড়োই তাৎপৰ্যপূৰ্ণ মন্তব্য কৰে৷
বিটিচিৰ মুখ্য কাৰ্যবাহী সদস্য প্ৰমোদ বড়োৱে সমাগত নিৰ্বাচনত আসন বুজাবুজি হব বুলি উল্লেখ কৰি কয় যে বিটিচি পৰিষদীয় নিৰ্বাচনত ৰাইজে পৰিৱৰ্তন বিচাৰি ভোট দান কৰিছিল যদিও সেয়া সম্ভৱ নহলেও বিধানসভা নিৰ্বাচনত সম্ভৱ হব ৷
প্ৰমোদ বড়োৱে কয় -‘প্ৰতিটো দলে নিজৰ দলৰ পৰা টিকট বিচাৰিব পাৰে৷ কাৰণ নিৰ্বাচন খেলিবলৈহে ৰাজনীতি কৰে’৷
বিটিচি প্ৰধানগৰাকীয়ে এনডিএফবি সদস্য সকলক কোনো প্ৰলোভন দি ৰাজনীতিলৈ অনা নাই বুলি উল্লেখ কৰি কয় – ‘প্ৰলোভন দিবলৈ আমাৰ একো নাই ৷ বিপিএফৰ সভাপতি হাগ্ৰামা মহিলাৰী হে প্ৰলোভন দিবলৈ কিবা কিবি আছে’ ৷
এনডিএফবি নেতা বাঠা পুনৰ জংঘললৈ যোৱা সন্দৰ্ভত প্ৰতিক্ৰিয়া ব্যক্ত কৰি কয় -‘জংঘললৈ যোৱা সন্দৰ্ভত আমাৰ হাতত কোনো নিৰ্দিষ্ট তথ্য নাই ৷ মই শুনিছো হে ‘৷
তেওঁ কয় – ‘বৰ্তমান সময়ত জংঘললৈ গৈ সমাজ সংস্কাৰ কৰিব নোৱাৰি ৷ সমাজৰ মাজত থাকিহে সমাজ সংস্কাৰ কৰিব পাৰি ৷ আজি টেকনোল’জিৰ যুগ ৷ এই সময়ত জংঘললৈ যোৱা আৰু আত্মহত্যা কৰা একেই কথা’৷
বিটিআৰত চলি থকা শিক্ষাৰ সমস্যা সমাধান কৰাৰ ক্ষেত্ৰত লোৱা ব্যৱস্থা সন্দৰ্ভতো প্ৰমোদ বড়োৱে মন্তব্য কৰে।
