বেংগালুৰুত প্ৰধানমন্ত্ৰী নৰেন্দ্ৰ মোদীৰ সমাৱেশত ভাড়া কৰি অনা হৈছিল ‘সমৰ্থক’! অভিযোগ কৰা হৈছে যে সেই সমৰ্থকসকলক প্ৰতাৰণা কৰা হৈছে। স্থানীয় বিজেপি নেতাজনে সভাত উপস্থিত থাকিলে প্ৰতিজন ব্যক্তিক ৫০০ টকাকৈ পোৱাৰ প্ৰতিশ্ৰুতি দিছিল। কিন্তু অভিযোগ কৰা হৈছে যে আধা অৰ্থাৎ২৫০ টকাহে আদায় দিয়া হৈছে।
একাংশ লোকে স্থানীয় আৰক্ষী থানাত এটা অভিযোগ দাখিল কৰি প্ৰতিবাদ সাৱ্যস্ত কৰে। ঘটনাটোৰ ভিডিঅ’ মুকলিলৈ অহাৰ লগে লগে কংগ্ৰেছকে ধৰি বিৰোধীদল সৰৱ হৈ পৰে। আৰক্ষীয়ে অৱশ্যে দাবী কৰিছে যে গেৰুৱা নেতা আৰু “সমৰ্থকৰ” মাজত হোৱা আলোচনাত বিবাদটো সমাধান হৈ গৈছে।
লগতে পঢ়ক: দৌৰি তৎ পোৱা নাই নাড্ডা-শ্বাহ! গুজৰাটত নতুন, দলত্যাগীসকলক টিকট দি সংকটত বিজেপি
প্ৰধানমন্ত্ৰী নৰেন্দ্ৰ মোদীয়ে ১১ নৱেম্বৰ শুকুৰবাৰে বাংগালুৰুত এখন বৈঠক অনুষ্ঠিত কৰে। একেদিনাই মোদীয়ে কৰ্ণাটকৰ কেম্পেগৌড়া আন্তঃৰাষ্ট্ৰীয় বিমানবন্দৰৰ টাৰ্মিনেল ২ উদ্বোধন কৰে। তেওঁ কেম্পেগৌড়াৰ ১০৮ ফুটৰ মূৰ্তিও উন্মোচন কৰে। অভিযোগকাৰীসকলৰ মতে, তেওঁলোকে বিজেপি নেতাসকলৰ নিৰ্দেশত ভিৰ বৃদ্ধি কৰিবলৈ সভালৈ আহিছিল। গেৰুৱা নেতাজনে ইয়াৰ বাবে ৫০০ টকাকৈ দিয়াৰ প্ৰতিশ্ৰুতি দিছিল। কিন্তু সভাৰ শেষত তেওঁলোকক ২৫০ টকাকৈ দিয়া হয়। পিছত শনিবাৰে তেওঁলোকে ৰাজ্যখনৰ চিক্কাবাল্লাপুৰ জিলাৰ শিদলাঘাটাত প্ৰতিবাদ সাব্যস্ত কৰে।
সেই প্ৰতিবাদৰ ভিডিঅ’ সামাজিক মাধ্যমত ভাইৰেল হৈ পৰিছে। গেৰুৱা শিবিৰ ঘটনাটোত বৰ অস্বস্তিত পৰিছে। বিৰোধীয়ে ইয়াকেলৈ কটাক্ষ কৰিবলৈ আৰম্ভ কৰিলে। এজন কংগ্ৰেছ নেতাই টুইট কৰে যে প্ৰৱঞ্চিতসকলে স্থানীয় আৰক্ষী থানাত বিজেপি নেতাজনৰ বিৰুদ্ধে অভিযোগ দাখিল কৰিছে। অৱশ্যে শিদলাঘাটা আৰক্ষীয়ে কয় যে গেৰুৱা নেতাসকলৰ সৈতে প্ৰতিবাদকাৰীসকলৰ আলোচনাৰ সময়ত সমস্যাটো সমাধান হৈছে। মানুহবোৰ এই ক্ষেত্ৰত আইনী ব্যৱস্থাৰ পৰা আঁতৰি আহিছে।
লগতে পঢ়ক: শ্বাহৰ অধিবক্তা হোৱাৰ পুৰস্কাৰ নাছিল পদ; ৰিজিজুৰ কলেজিয়াম প্ৰশ্নৰো উত্তৰ প্ৰাক্তন মুখ্য ন্যায়াধীশৰ
এজন আৰক্ষী বিষয়াই জনায়, “তেওঁলোকে আৰক্ষীৰ ওচৰত এটা অভিযোগ দাখিল কৰিছিল যদিও বিষয়টোৰ পৰৱৰ্তী পদক্ষেপ বাতিল কৰিছে।‘’ কিন্তু ইয়াৰ পাছতো বিৰোধীৰ মুখ বন্ধ কৰিব পৰা নগ’ল। কংগ্ৰেছকে ধৰি কৰ্ণাটকৰ বিৰোধী দলসমূহে বিশ্বৰ আটাইতকৈ জনপ্ৰিয় নেতা মোডীৰ সমাৱেশ ভাড়াতীয়া সমৰ্থককলৈ সমালোচনা কৰিছে।
