কৃষ্ণাইৰ পেটকটাত সৃষ্টি হ’ল উত্তপ্ত পৰিস্থিতিৰ ৷
অপৰাধীৰ ঘৰ ভাঙি লণ্ড-ভণ্ড কৰিলে স্থানীয় ৰাইজে ৷
পেটকটা অঞ্চলৰ এটা ঘৰৰ পৰা আৰক্ষীয়ে নিশা চাৰিটা অপহৰণকাৰীক আটক কৰিছিল ৷ আৰক্ষীৰ বেহু ভেদি পলাবলৈ চেষ্টা কৰা বাবে গুলীচালনা কৰিছিল আৰক্ষীয়ে ৷
উল্লেখ্য যে, কেইদিনমান পূৰ্বে কৃষ্ণাইৰ পৰা লক্ষীপুৰ বগুৱানৰ এগৰাকী ব্যৱসায়ীক অপহৰণ কৰিছিল দুৰ্বৃত্তই।
অপহৃতক উদ্ধাৰ আৰু অপহৰণকাৰীক কৰায়ত্ত কৰাৰ বাবে গোৱালপাৰাৰ অতিৰিক্ত আৰক্ষী অধিক্ষক মৃনাল ডেকাৰ নেতৃত্বত আৰক্ষীৰ এটা দলে কৃষ্ণাইৰ পেটকটাত অভিযান চলাই চাৰিটা অপহৰণকাৰীক আটক কৰে ৷
অপৰাধী কেইটা পলাবলৈ চেষ্টা কৰোঁতে আৰক্ষীয়ে কেইবা জাঁই গুলীচালনাও কৰে ৷
ইফালে অপহৰণকাৰী দলটো আশ্ৰয় লৈ থকা পেটকটাৰ চমেশ আলীক নিশা আৰক্ষীয়ে আটক কৰে ৷
আনহাতে চমেশ আলীও এই অপহৰণকাৰী দলটোৰ লগত জড়িত বুলি দাবী কৰি স্থানীয় লোকে উত্তেজিত হৈ চমেশ আলীৰ ঘৰটো ভাঙি লণ্ড-ভণ্ড কৰে ৷
ঘৰৰ সকলো সা-সম্পত্তি, আচবাব ভাঙি তচনচ কৰে ৰাইজে ৷
ৰাইজৰ দাবী অপৰাধীক গাঁৱত স্থান দিব নোৱাৰি যাৰ বাবে ৰাইজে ওলাই আহি এই কাৰ্য সংঘটিত কৰে ৷
আনহাতে অপহৃত ৰবিউল আলমক আৰক্ষীয়ে এতিয়াও উদ্ধাৰ কৰিবলৈ সক্ষম হোৱা নাই ৷
