প্ৰধানমন্ত্ৰী নৰেন্দ্ৰ মোদীৰ নিৰাপত্তা উলংঘনক লৈ বিজেপিৰ সৈতে ৰাজনৈতিক বিতৰ্কত লিপ্ত হোৱা পঞ্জাৱৰ মুখ্যমন্ত্ৰী চৰণজিৎ সিং চান্নীয়ে চৰ্দাৰ বল্লভভাই পেটেলৰ উদ্ধৃতিৰে তাচ্ছিল্য কৰিছে বিজেপিক।
স্বাধীনতা সংগ্ৰামীগৰাকীৰ ফটোসহ এটা উদ্ধৃতিৰে চান্নীয়ে টুইট কৰি কয়, “যিজনে তেওঁৰ কৰ্তব্যতকৈ নিজৰ জীৱনৰ বিষয়ে বেছি চিন্তিত, তেওঁ ভাৰতৰ দৰে দেশত ডাঙৰ দায়িত্ব ল’ব নালাগে।”
সংবাদ মাধ্যমৰ সৈতে এক সাক্ষাৎকাৰত শ্ৰীযুত চান্নীয়ে ৰাজ্যখনৰ কংগ্ৰেছ চৰকাৰে প্ৰধানমন্ত্ৰী মোডীৰ জীৱন হত্যাৰ অভিপ্ৰায়েৰে বিপদাপন্ন কৰাৰ প্ৰচেষ্টা চলোৱা বুলি বিজেপিয়ে তোলা অভিযোগৰ তীব্ৰ নিন্দা কৰে।
जिसे कर्त्तव्य से ज़्यादा जान की फ़िक्र हो, उसे भारत जैसे देश में बड़ी जिम्मेदारी नहीं लेनी चाहिए !
– सरदार वल्लभभाई पटेल pic.twitter.com/zefpEroVAF
— Charanjit S Channi (@CHARANJITCHANNI) January 7, 2022
“তেওঁৰ জীৱনৰ প্ৰতি ভাবুকি ক’ত আছিল? তেওঁৰ কনভয়ৰ এক কিলোমিটাৰ ভিতৰত কোনেও প্ৰৱেশ কৰা নাছিল। কোনো শিল নিক্ষেপ কৰা হোৱা নাছিল, কোনো গুলী নিক্ষেপ কৰা হোৱা নাছিল, কোনো শ্ল’গান দিয়া হোৱা নাছিল। ইয়াৰ পিছতো ইমান ডাঙৰ নেতাৰ এনে এক সংবেদনশীল মন্তব্য শোভা নাপায়। মানুহে তেওঁক প্ৰধানমন্ত্ৰী হিচাপে ভোট দিছিল। তেওঁ দায়িত্বশীল বিবৃতি দিয়া উচিত।” তেওঁ কয়।
কংগ্ৰেছে বাৰে বাৰে দাবী কৰিছে যে প্ৰধানমন্ত্ৰী মোডীৰ কনভয় উৰণীয়া সেঁতুত আৱদ্ধ হৈ পৰা ঘটনাটোৰ দ্বাৰা বিজেপিয়ে ৰাজনৈতিক লাভালাভ কৰিবলৈ চেষ্টা কৰি আছে।
কংগ্ৰেছে লগতে কয় যে প্ৰধানমন্ত্ৰী মোডীয়ে হেলিকপ্টাৰেৰে ফিৰোজপুৰলৈ যাত্ৰা কৰিব বুলি আশা কৰা হৈছিল। কিন্তু বতৰৰ বাবে পৰিকল্পনা সলনি কৰিব লগা হৈছিল।
“পঞ্জাৱ আৰু পাঞ্জাৱ বাসীক বদনাম কৰাটো এটা গভীৰ ষড়যন্ত্ৰ। এইয়া ৰাজ্যখনৰ পৰিস্থিতিক বিকৃত কৰাৰ এটা প্ৰয়াস। লগতে এইয়া পঞ্জাৱত ৰাষ্ট্ৰপতি শাসন জাপি দিয়াৰ এটা প্ৰয়াস।”— শ্ৰীযুত চান্নীয়ে লগতে কয়।
“স্বাধীনতা সংগ্ৰামৰ সৈতে জড়িত সৰ্বাধিক সংখ্যক লোক আছিল পঞ্জাৱৰ। সেয়েহে পঞ্জাৱ আৰু পাঞ্জাৱীসকলৰ ওপৰত এনে ধৰণৰ কাৰ্য্যৰ অভিযোগ উত্থাপন কৰাটো ভুল।” তেওঁ লগতে কয়।
