শ্বুটিং চলি থকাৰ সময়ত আহত হৈছে পুষ্পা খ্যাত অভিনেতা আল্লু অৰ্জুন।পুষ্পা-২ৰ শ্বুটিঙৰ সময়ত আহত হয় অভিনেতাগৰাকী। কঁকাল আৰু কান্ধত আঘাতপ্ৰাপ্ত হৈছে আল্লু অৰ্জুন।
চিকিৎসকে অভিনেতাজনক কিছুদিন জিৰণি ল’বলৈ পৰামৰ্শ দিছে। সেইবাবেই সদ্যহতে পুষ্পা-২ৰ শ্বুটিং স্থগিত ৰখা হৈছে।
জানিব পৰা মতে, গধুৰ সাজ-পোছাক পৰিধান কৰি একছন দৃশ্যৰ ষ্টান্ট কৰাৰ সময়ত আল্লু অৰ্জুনে কান্ধ আৰু পিঠিত আঘাত পাইছে। ছবিখনৰ নিৰ্মাতাসকলে এই তথ্য সদৰী কৰিছে। সেয়ে, সদ্যহতে পুষ্পা-২ৰ শ্বুটিং কেইবাদিনো বন্ধ থাকিব। ডিচেম্বৰৰ দ্বিতীয় সপ্তাহত পুনৰ শ্বুটিং আৰম্ভ হোৱাৰ কথা।
লগতে পঢ়কঃ অসমৰ শিশুৰ ভৰি চুই প্ৰণাম ব্ৰাজিলৰ কিংবদন্তি ভলীবল খেলুৱৈৰ; ভাইৰেল ভিডিঅ’
এই ঘটনাৰ বাবে পুষ্পা-২ৰ সামগ্ৰিক সূচীত কেইবাটাও সমস্যাৰ সৃষ্টি হ’ব। অৱশ্যে অভিনেতাগৰাকীৰ স্বাস্থ্যক অগ্ৰাধিকাৰ দি নিৰ্মাতাসকলে সদ্যহতে শ্বুটিং বন্ধ কৰাৰ সিদ্ধান্ত লৈছে।
পুষ্পা ২- দ্য ৰুল অহা বছৰৰ ১৫ আগষ্টত ছবিগৃহত মুক্তি পোৱাৰ কথা। ছবিখনক লৈ দৰ্শকৰ মাজত এক বৃহৎ উন্মাদনাৰ সৃষ্টি হৈছে। পুষ্পা অনুৰাগীসকলে ছবিখনৰ বাবে আগ্ৰহেৰে অপেক্ষা কৰি আছে।
উল্লেখ্য যে পুষ্পা ছবিখন বক্স অফিচত ব্লকবাষ্টাৰ হৈছিল। সেয়ে, এনে পৰিস্থিতিত আল্লু অৰ্জুনৰ পুষ্পা ২ক লৈ নিৰ্মাতাসকলৰ বহুত আশাবাদী।
লগতে পঢ়কঃচিৰদিনৰ বাবে স্তব্ধ হৈ পৰিল এক দৰদী কণ্ঠ; জনপ্ৰিয় কণ্ঠশিল্পী অৰুণ দাস আৰু নাই
আল্লু অৰ্জুনৰ উপৰিও ছবিখনত ফাহাদ ফাচিল, ৰশ্মিকা মন্দানা, সুনীল, প্ৰকাশ ৰাজ, জগপতি বাবু, অনুসূয়া ভৰদ্বাজ যিসকলক পুষ্পা: দ্য ৰুল-ত গুৰুত্বপূৰ্ণ চৰিত্ৰত দেখা যাব। ছবিখনৰ পৰিচালকে জনায় যে পুষ্পাৰ দৰেই ছবিখনৰ চিত্ৰনাট্যও এনেদৰে সজাই তোলা হৈছে যাতে পুষ্পা ২ সফল হয়। ছবিখনৰ ক্লাইমেক্সত এটা ডাঙৰ চমক থাকিব বুলিও নিৰ্মাতাসকলে জানিবলৈ দিছে।
