অভিনেতা আৰ মাধৱনে পৰিচালক হিচাপে আত্মপ্ৰকাশ কৰিবলৈ সাজু হৈছে। ইছৰোৰ বিজ্ঞানী তথা এৰোস্পেচ অভিযন্তা নাম্বি নাৰায়ণৰ জীৱনৰ ওপৰত আধাৰিত এখন ছবি নিৰ্মাণ ‘ৰকেটৰী: দ্য নাম্বি ইফেক্ট’ (Rocketry: The Nambi Effect) নিৰ্মাণ কৰিছে। চলচ্চিত্ৰখন ১ জুলাইত মুক্তি পাব।
ছবিখনৰ মুক্তিৰ পূৰ্বে আৰ মাধৱনে কৰা তেওঁৰ এক ধৰ্মীয় মন্তব্যক লৈ বিতৰ্কত সাঙোৰ খাই পৰিছে।মাধৱনে দৰাচলতে কি কৈছিল?
‘ৰকেটৰী: দ্য নাম্বি ইফেক্ট’ক লৈ সাংবাদিকৰ মুখামুখি হৈছিল মাধৱন। তাত তেওঁ কয় যে “ইছৰোৱে হিন্দু কেলেণ্ডাৰ পঞ্চাঙৰ সহায়তে মঙ্গলগ্ৰহত মহাকাশযান প্ৰেৰণ কৰিছিল।”
মাধৱনৰ এই মন্তৱ্যৰ পাছতে বিতৰ্ক আৰম্ভ হয়। মাধৱনৰ মন্তব্য নেট জগতত ভাইৰেল হৈ পৰে। লগে লগে ট্ৰোলিং আৰম্ভ হয়।
মাধৱনৰ মন্তব্য সন্দৰ্ভত এগৰাকী নেটিজেনে লিখিছে, “বিজ্ঞানৰ বিষয়ে কোৱাটো ইমান সহজ নহয়। আপুনি নাজানিব পাৰে, কিন্তু আপুনি নজনা সেই বিষয়ে কথা নোকোৱাই ভাল।‘’
লগতে পঢ়ক: Gujarat Riots: সমাজকৰ্মী তিস্তা শীতলৱাড়ক আটক গুজৰাট এটিএছৰ; আটক প্ৰাক্তন আইপিএছ শ্ৰীকুমাৰো
আন কোনোবাই লিখিছে, “ইছৰোৰ মঙ্গল অভিযানৰ বিষয়ে মাধৱনে কেইমিনিটমানৰ বাবে যি কৈছিল সেয়া মূৰ্খতা বুলি কোৱাটো ভুল হ’ব। বিজ্ঞানীসকলৰ বিষয়ে আজে বাজে কথা নোকোৱাই ভাল।
এগৰাকী নেটিজেনৰ ভাষাত, “মাধৱনে যেতিয়ালৈকে মুখ নোখোলে, তেতিয়ালৈকে তেওঁৰ ভাল লাগে।” এনেদৰে বহুতেই নানা মন্তব্য কৰিছে।
Disappointed that @isro has not published this vital information on their website https://t.co/LgCkFEsZNQ
Time to also consider a Mars Panchangam! https://t.co/VsD0xmswR9— T M Krishna (@tmkrishna) June 23, 2022
উল্লেখ্য যে আৰ মাধৱনে ‘ৰকেটৰী: দ্য নাম্বি ইফেক্ট’ত বিজ্ঞানী নাম্বি নাৰায়ণৰ চৰিত্ৰত অভিনয় কৰিছে। ছবিখন ১ জুলাইত তামিল, তেলেগু, মালায়ালম, কানাড়া আৰু ইংৰাজীত মুক্তি পাব।
