এইবাৰ অসমত মহাজোঁটৰ চৰকাৰ হ’লে সকলো জাতিৰ বাবে উন্নয়ন পৰিষদ গঠন কৰা হব বুলি ২৯ নং পশ্চিম কোকৰাঝাৰ জনজাতি সমষ্টিৰ মহাজোঁটৰ প্ৰাৰ্থী ৰবিৰাম নাৰ্জাৰীয়ে আজি এখন নিৰ্বাচনী সভাত কয়।
সমষ্টিটোৰ বিন্নাচৰাত অনুষ্ঠিত নিৰ্বাচনী প্ৰচাৰ সভাত উপস্থিত হৈ এ আই ইউ ডি এফ প্ৰধান বদৰুদ্দিন আজমেলে কয় যে এইবাৰ অসমত মহাজোঁটৰ চৰকাৰ হব।
তেওঁ আৰু কয় যে মহাজোঁটৰ চৰকাৰ হ’লে পাঁচ লাখ যুৱক-যুৱতীক চৰকাৰী চাকৰি দিয়াৰ উপৰি বেচৰকাৰী খণ্ডত আৰু ২৫ লাখ চাকৰিৰ ব্যৱস্থা কৰা হব।
হিমন্ত বিশ্ব ৰ্শমাই সাম্প্ৰদায়িক বিষবাস্প বিয়পাই যি ৰাজনীতি কৰিব বিচাৰিছে সেয়া সফল নহব। পেট্ৰল ডিজেলকে ধৰি অত্যাৱসীয় সামগ্ৰীৰ আকাশলংঘী মূল্য বৃদ্ধি হৈছে এইখন চৰকাৰৰ দিনত। ৰাইজ অতিষ্ঠ হৈ পৰিছে। গতিকে এইবাৰ হিমন্তৰ ভেল্কি বাজি নচলিব বুলিও আজমলে জসভাত কয়।
সভাত উপস্থিত হৈ হাগ্ৰামা মহিলাৰীয়ে হিমন্ত বিশ্ব ৰ্শমাক আক্ৰমণৰ লক্ষ্য কৰি লয়। অহা দুই মে’ত বিজেপিৰ শ্ৰাদ্ধ কৰা হব আৰু হাগ্ৰামা মহিলাৰী দিছপুৰত ইন হব আৰু হিমন্ত আউট হব।
হিমন্তক ঢাকাৰ মিউজিয়ামত ৰখা হব বুলি তীৰ্যক মন্তব্য কৰে মহিলাৰীয়ে।
