বিজেপি চৰকাৰ শাসনলৈ অহাৰ পিছতেই কেৱল কৰ সংগ্ৰহৰ নামত সাধাৰণ ৰাইজৰ মূৰত মাধমাৰ সোধাই নিৰ্মাণ কৰিছে ইখনৰ পিছত সিখনকৈ টোলগেট। টোলগেটত চৰকাৰে আনি বহুৱাইছেহি অনাঅসমীয়া কৰ্মচাৰী। লাহে লাহে বাঢ়ি আহিছে টোলগেট কৰ্মচাৰীৰ গুণ্ডাৰাজ।
বুধবাৰে নগাঁওৰ ৰহা টোলগেটত টোলগেট কৰ্মচাৰীয়ে সংঘটিত কৰিলে ভয়ানক কাণ্ড। অভিযোগ অনুসৰি টোল টেক্স দিয়াৰ বিনিময়ত টোলগেটৰ কৰ্মচাৰীক ৰছিদ বিচাৰিছিল পৰিয়ালটোৱে। কিন্তু ৰছিদ দিবলৈ অমান্তি হৈছিল টোলগেটত কৰ্মৰত কৰ্মচাৰীসকলে। যাৰ ফলত দুই পক্ষৰ মাজত কথাত কটা–কটি লাগে।
তাৰেই গইনা লৈ টোলগেট কৰ্মচাৰীয়ে পৰিয়ালটোক আক্ৰমণৰ লক্ষ্য কৰি লয়। টোলগেট কৰ্মচাৰীৰ আক্ৰমণত পৰিয়ালটোৰ তিনিওজন সদস্যই গুৰুতৰভাবে আঘাতপ্ৰাপ্ত হয়। টোলগেট কৰ্মচাৰীয়ে পৰিয়ালটোক খেদি খেদি এনেভাবে আক্ৰমণ কৰে যে প্ৰাণৰ মমতাত গাড়ী এৰি পলাবলৈ বাধ্য হৈ পৰে পৰিয়ালটোৰ সদস্য কেইজন।
জানিব পৰা মতে টোল গেটৰ কৰ্মচাৰীৰ আক্ৰমণত আহত হোৱা ব্যক্তি কেইজনৰ নাম হৈছে মৌলানা ফাৰুক আহমেদ, মোস্তাফা আহমেদ আৰু ৰায়হান আহমেদ। বৰ্তমান তিনিওজনেই চিকিৎসাধীনি অৱস্থাত আছে।
