এইবাৰ ১০ কোটি টকাৰ কেলেংকাৰীয়ে কঁপাইছে শিৱসাগৰ। বিগত ১০ বছৰত শিৱসাগৰ জিলাৰ অন্তৰ্গত খেলুৱা উন্নয়ণ খণ্ডত প্ৰধান মন্ত্ৰী আৱাস যোজনাৰ ঘৰৰ নামত ব্যাপক দুৰ্নীতিৰ অভিযোগ ৰাইজৰ দলৰ।
বৃহস্পতিবাৰে শিৱসাগৰ সদৰ থানাত এজাহাৰ দাখিল কৰে ৰাইজৰ দলে।
ৰাইজৰ দলৰ অভিযোগ খেলুৱা ব্লকৰ অন্তৰ্গত পঞ্চায়ত প্ৰতিনিধি, জিলা পৰিষদৰ সচিব, খেলুৱা উন্নয়ণ খণ্ডৰ বিষয়াৰ লগতে বহু কৰ্মচাৰী এই দুৰ্নীতিৰ লগত জড়িত।
লগতে পঢ়ক: জাপানৰ টকিঅ’ত অনুষ্ঠিত হ’ব লগা আন্তঃৰাষ্ট্ৰীয় কাৰাটে প্ৰতিযোগিতালৈ কলিয়াবৰৰ দুগৰাকী খেলুৱৈ
বিগত সময়ত খেলুৱা উন্নয়ণ খণ্ডলৈ কেন্দ্ৰীয় চৰকাৰৰ দ্বাৰা অনুমোদিত ৫১৩ টা ঘৰৰ ভিতৰত ৩৯৬ টা ঘৰ বৰ্তমান অস্তিত্বহীন।
২০০৬-০৭ চনৰ পৰা ২০১৪-১৫ চনৰ ভিতৰত সংঘটিত এই বৃহৎ দুৰ্নীতিৰ বিৰুদ্ধে বৃহস্পতিবাৰে ৰাইজৰ দলে শিৱসাগৰ সদৰ থানাত এই এজাহাৰ দাখিল কৰে।
ৰাইজৰ দলে সেই সময়ছোৱাৰ ভিতৰৰ ৭ জন বিডিঅ’ আৰু ১৮ জন পঞ্চায়তৰ প্ৰতিনিধিৰ বিৰুদ্ধে এজাহাৰ দাখিল কৰে।