শিৱসাগৰত আজি এআইইউডিএফৰ সোনাই সমষ্টিৰ বিধায়ক কৰিমউদ্দিন বৰভূঞাৰ প্ৰতিকৃতি দাহ কৰা হয়।
ৰাজ্যসভা নিৰ্বাচনত শিৱসাগৰ সমষ্টিৰ বিধায়ক অখিল গগৈয়ে ধনৰ লেনদেন কৰা বুলি যি অভিযোগ কৰিছিল তাৰ বিৰুদ্ধে ৰাইজ দলে এই প্ৰতিবাদ সাব্যস্ত কৰে।
শিৱসাগৰৰ দ’লমুখ চাৰিআলিত ৰাইজৰ দলৰ শিৱসাগৰ সমষ্টিৰ সভাপতি জিতুজ্যোতি গায়নৰ নেতৃত্বত বহু নেতা-কৰ্মীয়ে এআইইউডিএফৰ বিধায়ক কৰিমউদ্দিন বৰভূঞাৰ প্ৰতিকৃতি দাহ কৰে।
লগতে পঢ়ক: অস্কাৰৰ মঞ্চত ক্ৰিছ ৰকক চৰ মৰা উইল স্মিথৰ ফিল্ম একাডেমীৰ পৰা পদত্যাগ
যোৱা ৩১ মাৰ্চত ৰাজ্যসভাৰ নিৰ্বাচনত বিৰোধী দলৰ উমৈহতীয়া প্ৰাৰ্থী ৰিপুন বৰা পৰাজিত হোৱাৰ পিছতে বিশ্বাসঘাতকতা কৰা বুলি এআইইউডিএফৰ বিৰুদ্ধে অভিযোগ উত্থাপিত হৈছিল।
তাৰপিছতে এআইইউডিএফৰ বিধায়ক কৰিমুদ্দিন বৰভূঞাই অখিল গগৈয়ে কংগ্ৰেছৰ বিধায়ক এগৰাকীৰ পৰা ধন লোৱাৰ অভিযোগ উত্থাপন কৰিছিল। বিধায়ক গগৈয়েও তাৎক্ষণিকভাৱে ইয়াৰ প্ৰতিক্ৰিয়া প্ৰকাশ কৰি এই অভিযোগ নস্যাৎ কৰে।