৫৫ বছৰৰ মূৰত পুনৰ ভাৰত আৰু বাংলাদেশৰ মাজত আৰম্ভ হ’ব ৰেইল সেৱা। এই সেৱা ভাৰত আৰু বাংলাদেশৰ প্ৰধান মন্ত্ৰীয়ে উদ্বোধন কৰিব।
পশ্চিম বংগৰ হলদিবাৰী আৰু বাংলাদেশৰ চিলহটিৰ মাজৰ ৰেইল পথটো ১৭ ডিচেম্বৰত পুনৰ খোলা হ’ব।
উত্তৰ-পূব ফ্ৰণ্টিয়াৰ ৰেইলৱেৰ এজন বিষয়াই কয় যে ১৯৬৫ চনত ভাৰত আৰু তেতিয়াৰ পূব পাকিস্তানৰ মাজত ৰেইল সংযোগ বিচ্ছিন্ন হোৱাৰ পিছত কোচবিহাৰস্থিত হলদিবাৰী আৰু উত্তৰ বাংলাদেশৰ চিলহটিৰ মাজত ৰেইল লাইন বন্ধ কৰা হৈছিল।
উত্তৰ-পূব ফ্ৰণ্টিয়াৰৰ মুখ্য জনসম্পৰ্ক বিষয়া সুভানন চণ্ডাই জনোৱা মতে, প্ৰধান মন্ত্ৰী নৰেন্দ্ৰ মোদী আৰু বাংলাদেশৰ প্ৰধান মন্ত্ৰী শ্বেইখ হাছিনাই ১৭ ডিচেম্বৰত হলদিবাৰী-চিলহটি ৰেইল পথ উদ্বোধন কৰিব।
তেওঁ লগতে কয় যে প্ৰথম অৱস্থাত এন এফ আৰৰ কাটিহাৰ ডিভিজনৰ এখন মালবাহী ৰেইল চিলহটিৰ পৰা হালদিবাৰীলৈ আহিব।
কাটিহাৰ মণ্ডলৰ ৰেইলৱে প্ৰৱন্ধক ৰবিন্দৰ কুমাৰ বাৰ্মাই কয় যে বিদেশ মন্ত্ৰ্যালয়ে মঙলবাৰে এই ৰেইলপথছোৱাৰ মাজত পুনৰ সেৱা আৰম্ভ হ’ব বুলি জানিবলৈ দিয়ে।
এন আৰ এফে কয় যে হলদিবাৰী ৰেইলৱে ষ্টেশ্যনৰ পৰা আন্ত:ৰাষ্ট্ৰীয় সীমালৈ দূৰত্ব আঢ়ৈ কিলোমিটাৰ আৰু বাংলাদেশৰ চিলহটিৰ পৰা সীমালৈ দূৰত্ব প্ৰায় ৭.৫ কিলোমিটাৰ।
বাৰ্মাই বুধবাৰে হল্দিবাৰী ষ্টেশ্যন পৰিদৰ্শন কৰাৰ পিছত কয় যে যেতিয়া যাত্ৰীবাহী সেৱা আৰম্ভ হ’ব তেতিয়া সাত ঘণ্টাত চিলিগুৰিৰ ওচৰৰ জালপাইগুৰিৰ পৰা কলকাতালৈ আহিবলৈ সক্ষম হ’ব। পূৰ্বতকৈ ভ্ৰমণ সময় পাঁচ ঘণ্টা হ্ৰাস হ’ব।
