ৰণবীৰ সিং অভিনীত “৮৩ৰ নিৰ্মাতাই মুম্বাইত ছবিখনৰ শ্বুটিঙৰ অন্তিম কামখিনি সমাপ্ত কৰিছে। অনুৰাগীসকলক ছবিখনৰ প্ৰতি অধিক আকৰ্ষিত কৰিবলৈ ছবিৰ নতুন পোষ্টাৰ মুকলি কৰা হৈছে।
ছবিখনৰ নতুন পোষ্টাৰত ৰণবীৰ সিঙক টুনব্ৰিজ ৱেলছ খেলপথাৰত কপিল দেবৰ পৰিচিত “নটৰাজ প’জ’ত দেখা গৈছে য’ত কপিলে ১৯৮৩’ৰ বিশ্বকাপৰ ছেমি ফাইনেলত জিম্বাবৱেৰ বিৰুদ্ধে ১৭৫ ৰাণ কৰিছিল।
ভাৰত জিম্বাবৱেৰ মাজত অনুষ্ঠিত উক্ত মেচখন ক্ৰিকেট ইতিহাসত আটাইতকৈ ৰোমাঞ্চকৰ তথা সুঁৱৰিবলগীয়া এখন খেল আৰু সেইখন তেতিয়া কোনো চেনেলৰ দ্বাৰা প্ৰচাৰ কৰা হোৱা নাছিল বা ৰেকৰ্ড কৰা হোৱা নাছিল।
ছবিখনত ৰণবীৰ সিঙ নিজকে কপিল দেবৰ দৰে দেখিবলৈ লগাকৈ সম্ভৱ যিমান পাৰে চেষ্টা কৰিছে আৰু ক’বলৈ সগ’লে এইক্ষেত্ৰত তেওঁ সফলো হৈছে। পোষ্টাৰখনত ৰণবীৰক হুবহু কপিল দেবৰ দৰেই লাগিছে।
ছবি ৮৩’ত ৱেষ্টৱিণ্ডিজৰ বিৰুদ্ধে ১৯৮৩ৰ বিশ্বকাপত ভাৰতীয় ক্ৰিকেট দলৰ বিজয়ক পুনৰুজ্জীৱিত কৰি তোলাৰ প্ৰয়াস কৰা হৈছে।
ছবিখনত ৰণবীৰ সিঙে কপিল দেবৰ ভূমিকাত অৱতীৰ্ণ হোৱাৰ উপৰি গাভাস্কাৰৰ ভূমিকাত তাহিৰ ৰাজ ভাসিন, মহিন্দৰ অমৰনাথৰ ভূমিকাত ছাকিব ছালিম, সন্দীপ পাটিলৰ ভূমিকাত চিৰাগ পাটিলে অভিনয় কৰিছে।
ছবিখনত দীপিকা পাডুকনে কপিল দেবৰ পত্নী ৰোমিৰ ভূমিকাত অভিনয় কৰিছে।
দেশৰ “আটাইকৈ বৃহৎ ক্ৰীড়া চলচ্চিত্ৰ’ ৰূপে চিহ্নিত হ’বলগীয়া ৮৩’ক ২০২০ৰ ১০ এপ্ৰিলত হিন্দী, তামিল আৰু তেলেগু ভাষাত মুকলি কৰা হ’ব। ছবিখনৰ পৰিচালক হৈছে কবীৰ খান।
