১ জুন শনিবাৰে লণ্ডনৰ ৱেম্বলী ষ্টেডিয়ামত অনুষ্ঠিত হোৱা ফাইনেলত বৰুছিয়া ডৰ্টমুণ্ডক ২-০ গ’লত পৰাস্ত কৰি ৰিয়েল মাদ্রিদে ইউএফএ চেম্পিয়নছ লীগ জয় কৰে৷
ৰিয়েল মাদ্ৰিদক এসময়ত ‘ইউৰোপৰ ৰজা’ বুলি কোৱা হৈছিল। ১৯৫৬ চনৰ পৰা এই প্ৰতিযোগিতা আৰম্ভ হোৱাৰ পাছৰে পৰা একেৰাহে পাঁচবাৰকৈ ট্ৰফী লাভ কৰিবলৈ সক্ষম হৈছে। ১৯৬৬ চনতো মাদ্ৰিদ জয়ী হৈছিল। ষষ্ঠ ট্ৰফী জয় কৰাৰ পাছত মাদ্ৰিদ ৩২ বছৰ অপেক্ষা কৰিবলগীয়া হৈছিল। কিন্তু যোৱা ১০ বছৰত মাদ্ৰিদে ছয়বাৰ ইউৰোপৰ ভিতৰতে শ্ৰেষ্ঠ স্থান দখল কৰিছে। গতিকে আকৌ এবাৰ মাদ্ৰিদে ‘ইউৰোপৰ চেম্পিয়ন’ৰ খিতাপ লাভ কৰে।
অৱশ্যে ৱেম্বলীত অনুষ্ঠিত মেচখনৰ আৰম্ভণি আছিল পৃথক।ৰিয়েল অতি শক্তিশালী যদিও খেলখনৰ প্ৰথমাৰ্ধত ডৰ্টমুণ্ডে আধিপত্য প্ৰদৰ্শন কৰে। খেল আৰম্ভ হোৱাৰ পাছত দৰ্শক খেলপথাৰত প্ৰৱেশ কৰাৰ লগে লগে কিছু সময়ৰ বাবে খেল বন্ধ হৈ পৰে।
দ্বিতীয়াৰ্ধৰ আৰম্ভণিৰ পৰাই ৰিয়েলে আক্ৰমণ বৃদ্ধি কৰে। ৪৮ মিনিটৰ পাছত ভিনিচিয়াছে বাকচৰ বাহিৰত ফাউল কৰি ৰিয়েলে ফ্ৰী কিক লাভ কৰে। টনি ক্ৰ’ছৰ ডিফ্লেক্টেড শ্বটটো কোবেলে তেওঁৰ সোঁফালে ডাইভ কৰি ৰক্ষা কৰে। ৭৩ মিনিটত ক্ৰুজৰ কৰ্ণাৰত কাৰ্ভাজালে হেডাৰ গ’ল দিয়ে। ৰিয়েল মাদ্ৰিদ আগবাঢ়ি যায়। ডৰ্টমুণ্ডৰ ডিফেন্স ভংগ হোৱাৰ পাছত ৰিয়েলে নিজৰ আক্ৰমণ তীব্ৰতৰ কৰি তোলে। মেচখনৰ ৮২ মিনিটৰ পাছত ভিনিচিয়াছে খেলৰ ফলাফল নিশ্চিত কৰে। মেটছনৰ ভুলৰ পাছত বেলিংহামে বলটো লাভ কৰে। ব্ৰাজিলৰ ফুটবলাৰগৰাকীয়ে শীতল মগজুৰে গ’ল দিয়ে।যাৰ ফলত ২-০ গ’লত আগবাঢ়ি যায় ৰিয়েল মাদ্ৰিদ।
