বৃহস্পতিবাৰে হংকঙত এটা বিশাল পাণ্ডাই যমজ সন্তান জন্ম দিছে, ইয়াৰ পাছত তেওঁ বিশ্বৰ আটাইতকৈ বয়সীয়াল পাণ্ডা মাতৃ হিচাপে পৰিগণিত হয়। পাণ্ডাৰ পৰিচাৰিকা থিম পাৰ্কে এই তথ্য শ্বেয়াৰ কৰিছে। থিম পাৰ্কখনৰ এক বিবৃতিত কোৱা হৈছে যে মাতৃ ইং ইঙে ১৯ বছৰ বয়স হোৱাৰ মাত্ৰ এদিন পূৰ্বে অ’চেন পাৰ্কত যমজ সন্তান জন্ম দিয়ে, ইয়াৰে এটা মতা পাণ্ডা আৰু আনজনী মাইকী পাণ্ডা।
চীনত পাণ্ডাক অতি শুভ বুলি গণ্য কৰা হয়, বিশ্বাস কৰা হয় যে পাণ্ডা ৰাখিলে ঋণৰ বোজা নাইকিয়া হয় আৰু অগ্ৰগতি হয়। অ’চেন পাৰ্কে এক বিবৃতিত কয় যে বিশাল পাণ্ডাবোৰে “বিশেষকৈ বয়স বঢ়াৰ লগে লগে বংশবৃদ্ধি কৰাত অতি কঠিন সময় পায়। এনে পৰিস্থিতিত পাণ্ডাৰ গৰ্ভধাৰণ সহজে ধৰা নপৰে।”
শেহতীয়াকৈ পাণ্ডাৰ গৰ্ভধাৰণৰ বিষয়ে জানিব পৰা গৈছে-
কিন্তু জুলাই মাহৰ শেষৰ ফালে ইং ইঙৰ ভোক কমি যোৱা, জিৰণিৰ প্ৰয়োজনীয়তা বৃদ্ধি পোৱা আৰু হৰম’নৰ মাত্ৰা সলনি হোৱাৰ দৰে লক্ষণ দেখা দিবলৈ আৰম্ভ কৰে যদিও দেওবাৰেহে গৰ্ভাৱস্থা নিশ্চিত হয়। পাৰ্কে কয় যে পাণ্ডাৰ যত্ন লোৱা দলটোৱে বুধবাৰে ইং ইঙে প্ৰসৱৰ লক্ষণ দেখা পোৱাটো লক্ষ্য কৰিছিল আৰু ৰাতি তেওঁৰ এম্নিয়টিক ফ্লুইড ভাঙি গৈছিল। পাৰ্কে কয় যে বৃহস্পতিবাৰে পুৱা পাঁচ ঘণ্টাৰো অধিক প্ৰসৱ বেদনাৰ অন্তত যমজ সন্তান দুটাৰ জন্ম হয়।
পাৰ্কে কয় যে, ‘দুয়োটা পোৱালি বৰ্তমান অতি সুক্ষ্ম আৰু সুস্থিৰ হ’বলৈ সময়ৰ প্ৰয়োজন। বিশেষকৈ শৰীৰৰ উষ্ণতা কম হোৱা মাইকী পোৱালিটোৱে জন্মৰ পাছত কম কান্দে আৰু কম খায়। পাৰ্কে কয় যে কেইমাহমানৰ পাছত পোৱালিক বিশ্বৰ সন্মুখত অনা হ’ব। অ’চেন পাৰ্ক কৰ্প’ৰেশ্যনৰ সভাপতি পাউলো পঙে বছৰ বছৰ ধৰি কৰা অংশীদাৰিত্ব আৰু সহায়ৰ বাবে স্থানীয় পশু যত্ন দলৰ লগতে মূল চীনৰ বিশেষজ্ঞসকলক ধন্যবাদ জনায়।
