বিশিষ্ট সংগীত পৰিচালক নন্দ বেনাৰ্জীৰ দেহাৱসান; শোকস্তব্ধ ৰাজ্যৰ সাংস্কৃতিক মহল
অসমৰ সাংস্কৃতিক ক্ষেত্ৰখনৰ বাবে আৰু এক দুঃসংবাদ। বিশিষ্ট সংগীত পৰিচালক নন্দ বেনাৰ্জীৰ দেহাৱ সান ঘটিছে। নিশা গুৱাহাটীৰ নিজ বাসগৃহত শিল্পীগৰাকীৰ পৰলোকপ্ৰাপ্তি ঘটে।
জানিব পৰা মতে, দীৰ্ঘদিন হৃদৰোগৰ সমস্যা ভুগি থকা শিল্পী নন্দ বেনাৰ্জী কিছুদিন ধৰি অসুস্থ হৈ আছিল। দেওবাৰে অকস্মাতে তেওঁৰ স্বাস্থ্যৰ অৱনতি ঘটে।
সোমবাৰে পুৱতি নিশা তেওঁ বাথৰূমত পৰি সংজ্ঞাহীন হৈ পৰিছিল। মহানগৰীৰ এখন ব্যক্তিগত চিকিৎসালয়ত নিয়া হয় যদিও তেওঁৰ মৃত্যু ঘটে।
লগতে পঢ়কঃ পতিয়ে মোডীৰ নামত শ্লোগান দিলে ৰাতি ভাত নিদিব; মহিলাসকলক ‘পৰামৰ্শ’ কেজৰিৱালৰ
মৃত্যৰ সময়ত তেওঁৰ বয়স আছিল ৬৮ বছৰ। তেওঁ পত্নী সান্তনা বেনাৰ্জী আৰু একমাত্ৰ পুত্ৰ শ্যামক এৰি থৈ যায়।
১৯৫৫ চনত নগাঁৱত জন্মগ্ৰহণ কৰিছিল শিল্পী নন্দ বেনাৰ্জীয়ে। তেওঁ শৈশৱৰ পৰাই এটা সাংস্কৃতিক পৰিৱেশত ডাঙৰ দীঘল হৈছিল। তেওঁৰ পিতৃও সংগীতৰ লগত জড়িত আছিল। নন্দ বেনাৰ্জীৰ মৃত্যু অসমীয়া সংগীত জগতৰ বাবে এক অপূৰণীয় ক্ষতি।
নন্দ বেনাৰ্জী আছিল একাধাৰে গীতিকাৰ, সুৰকাৰ আৰু সংগীত পৰিচালক। গীতৰ স্বৰলিপিৰ ক্ষেত্ৰতো তেওঁৰ আছিল অগাধ দখল। বহু চিনেমাৰ সমান্তৰালকৈ থিয়েটাৰতো তেওঁ সংগীত পৰিচালনা কৰিছিল। তেওঁ সংগীত পৰিচালনা কৰা অন্তিমখন ছবি আছিল ‘জনকন্দিনী’।
লগতে পঢ়কঃখেলা হ’ব! তৃণমূলৰ প্ৰাৰ্থী তালিকাত ডাঙৰ চমক ক্ৰিকেটাৰ ইউছুফ পাঠান, প্ৰতিদ্বন্দ্বী ডাঙৰ নেতা
সংগীতৰ ক্ষেত্ৰখনৰ বাহিৰেও সক্ৰিয় ৰাজনীতিৰ সৈতেও জড়িত হৈ পৰিছিল নন্দ বেনাৰ্জী। প্ৰথমাৱস্থাত কমিউনিষ্ট পাৰ্টীৰ সৈতে জড়িত আছিল যদিও পিছলৈ প্ৰফুল্ল কুমাৰ মহন্তৰ মুখ্যমন্ত্ৰী থকা সময়ত অসম গণ পৰিষদৰ উপ সভাপতি আৰু ভাষিক সংখ্যালঘু কোষৰ সভাপতি হৈছিল।