শিৱসাগৰ সদৰ থানাৰ অন্তৰ্গত বেতবাৰী দিচাংঘাটৰ ৩৭নং ৰাষ্ট্ৰীয় ঘাইপথত দেওবাৰে নিশা এখন ট্ৰাক দুৰ্ঘটনাত পতিত হয়। ফলত দুজনকৈ লোক গুৰুতৰভাৱে আহত হয়।
জানিব পৰা মতে পি বি ১৩ বি চি ৯৫২০ নম্বৰৰ ২২ চকাৰ ট্ৰাকখনে ডিব্ৰুগড় গেছ কেকাৰৰ পৰা প্লাষ্টিক কঢ়িয়াই বহিঃৰাজ্যলৈ গৈ থকাৰ অৱস্থাতে দিচাংঘাটৰ ঘাইপথৰ ওপৰতে বাগৰি পৰে।
দুৰ্ঘটনাটো ইমানেই ভয়ংকৰ আছিল যে দুৰ্ঘটনাত ট্ৰাকখনৰ সন্মুখভাগ সম্পূৰ্ণৰূপে নষ্ট হোৱাৰ লগতে চালক আৰু হেণ্ডিমেন গাড়ীৰ ভিতৰতে আবদ্ধ হৈ পৰে।
অৱশ্যে স্থানীয় ৰাইজে বহু কষ্ট কৰি দুৰ্ঘটনাত পতিত ট্ৰাকখনত আবদ্ধ চালক আৰু হেন্ডিমেনজনক উদ্ধাৰ কৰি শিৱসাগৰ অসামৰিক চিকিৎসালয়লৈ প্ৰেৰণ কৰে।
স্থানীয় ৰাইজে চালক আৰু হেন্ডিমেন দুয়োজনেই গুৰুতৰভাবে আঘাতপ্ৰাপ্ত হোৱা বুলি জানিবলৈ দিছে।
ইতিমধ্যে যান-বাহন আৰক্ষীৰ শিবসাগৰ শাখাৰ বিষয়া দুৰ্ঘটনাস্থলীত উপস্থিত হৈ ঘাইপথত যান-জঁট নিয়ন্ত্ৰণ কৰিছে। ইফালে বাতৰি লিখা পৰলৈকে চালক আৰু হেণ্ডিমেনজনৰ পৰিচয় উদ্ধাৰ কৰিবলৈ সক্ষম হোৱা নাই।
