বাংলাদেশৰ বিৰুদ্ধে দ্বিতীয়খন টী-২০ মেচত ৰোহিত শৰ্মাই এক বিশেষ অভিলেখ গঢ়ে। বাংলাদেশৰ বিৰুদ্ধে বৃহস্পতিবাৰে দ্বিতীয়খন এদিনীয়াত খেলপথাৰত খেলিবলৈ নমাৰ লগে লগেই ৰোহিতে এই অভিলেখৰ অধিকাৰী হয়।
বাংলাদেশৰ বিৰুদ্ধে ৰাজকোটত খেলা দ্বিতীয়খন টী-২০ মেচ ৰোহিত শৰ্মাৰ কেৰিয়াৰৰ ১০০সংখ্যক টী-২০ আন্তৰ্জাতিক মেচ।
ৰোহিতে ভাৰতৰ হৈ আটাইতকৈ বেছি টী-২০ আন্তৰ্জাতিক মেচ খেলাৰ মহেন্দ্ৰ সিং ধোনীৰ অভিলেখ ইতিমধ্যেই ভংগ কৰিছে।
পিচে, এইবাৰ ৰোহিতে বিশ্বৰ আটাইতকৈ বেছি টী-২০ আন্তৰ্জাতিক মেচ খেলা দ্বিতীয়গৰাকী ক্ৰিকেটাৰ হিচাপে পৰিগণিত হয়।
তেওঁ পাকিস্তানৰ প্ৰাক্তন অলৰাউণ্ডাৰ তথা অধিনায়ক শ্বাহিদ আফ্ৰিডীৰ অভিলেখ ভংগ কৰে।
শ্বাহিদ আফ্ৰিডীয়ে ৯৯খন টী-২০ আন্তৰ্জাতিক মেচ খেলিছে য’ত ৰোহিত শৰ্মাই ১০০খন টী-২০ আন্তৰ্জাতিক মেচ খেলে।
বিশ্বৰ আটাইতকৈ বেছি টী-২০ আন্তৰ্জাতিক মেচ খেলাৰ অভিলেখ আছে পাকিস্তানৰ ছোয়েব মালিকৰ নামত। তেওঁ ১১১খন টী-২০ আন্তৰ্জাতিক মেচ খেলিছে।
ৰোহিত শৰ্মাই লগতে টী-২০ আন্তৰ্জাতিক মেচত আটাইতকৈ বেছি ৰাণ কৰাৰ বিশ্ব অভিলেখো গঢ়িছে।
