সাজু হৈ উঠিছে উমানন্দৰ উপৰেৰে যোৱা গুৱাহাটীৰ কচাৰী ঘাট আৰু উত্তৰ গুৱাহাটী সংযোগী ৰ’পৱে। গুৱাহাটী মহানগৰ উন্নয়ন মন্ত্ৰী সিদ্ধাৰ্থ ভট্টচাৰ্য্যই আজি এই কথা জনায়।
আজি নিজেই ৰোপ-ৱে নিৰ্মাণ কাৰ্য্য নিৰিক্ষণ কৰি টুইটাৰ যোগে তেওঁ এই কথা সদৰী কৰে।
গুৱাহাটীৰ কাছাৰী আৰু উত্তৰ গুৱাহাটীৰ মাজত সাজি উলিওৱা উলিওৱা 'ৰোপ্-ৱে'ৰ নিৰ্মাণ কাৰ্য্য সম্পূৰ্ণ হৈ উঠিছে। আজি মই নিজেই এই 'ৰোপ্-ৱে'ৰ মাধ্যমেৰে কাছাৰীৰ পৰা উত্তৰ গুৱাহাটীলৈ পৰীক্ষামূলক ভাৱে চলা-চল কৰি গোটেই ব্যৱস্থাটো পৰিদৰ্শন কৰিলোঁ।
১/৩ pic.twitter.com/h35CaR4O9a— SiddharthaBhttachrya (@SBhttachrya) April 23, 2020
‘গুৱাহাটীৰ কাছাৰী আৰু উত্তৰ গুৱাহাটীৰ মাজত সাজি উলিওৱা উলিওৱা ‘ৰোপ্-ৱে’ৰ নিৰ্মাণ কাৰ্য্য সম্পূৰ্ণ হৈ উঠিছে। আজি মই নিজেই এই ‘ৰোপ্-ৱে’ৰ মাধ্যমেৰে কাছাৰীৰ পৰা উত্তৰ গুৱাহাটীলৈ পৰীক্ষামূলক ভাৱে চলা-চল কৰি গোটেই ব্যৱস্থাটো পৰিদৰ্শন কৰিলোঁ।‘ টুইট কৰি তেওঁ কয়।
তেওঁ আৰু কয়, ‘মই লক্ষ্য কৰিছো যে এই ব্যৱস্থাটোৱে গুৱাহাটী মহানগৰী আৰু উত্তৰ গুৱাহাটীৰ মাজত কেৱল যে যাতায়তৰ সময়েই লাঘৱ কৰিব তেনে নহয়, ইয়াৰ মাধ্যমেৰে যাতায়ত কৰি ৰাইজে গুৱাহাটী মহানগৰ, বৰলুইত আৰু উমানন্দ মন্দিৰৰ যি মনোমোহা বিহংগম দৃশ্যৰাজী প্ৰত্যক্ষ কৰিবলৈ সক্ষম হ’ব সি সঁচাকৈয়ে এক বুজাব নোৱাৰা অভিজ্ঞতা হিচাপে পৰিগণিত হ’ব।’
উল্লেখযোগ্য যে ভাৰতৰ ভিতৰতে দীৰ্ঘতম এই ৰ’পৱে’টোৰ দৈৰ্ঘ্য ১৮২০ মিটাৰ আৰু উক্ত ৰোপ-ৱে’ত এখন ‘কেবল কাৰ’-এ ৩০জন যাত্ৰী কঢ়িয়াব পাৰে।
‘সম্পূৰ্ণ ব্যৱস্থাটোৰ অগ্ৰগতি দেখি মই সুখী হৈছোঁ। অনতিপলমে ইয়াক ৰাইজৰ সেৱাত মুকলি কৰি দিয়া হ’ব।‘ তেওঁ লগতে কয়।
