ৰাছিয়াৰ এখন হাস্পাতলত কৰ’না ভাইৰাছ কোভিড-১৯ সংক্ৰমণ প্ৰতিৰোধৰ বাবে তৈয়াৰ কৰা প্ৰথমটো ভেকচিন ১৮জন স্বেচ্ছাসেৱকৰ ওপৰত পৰীক্ষা সম্পন্ন কৰে।
জানিব পৰা মতে এই পৰীক্ষাত কোনো ক্ষতিকাৰক প্ৰভাৱ দেখা যোৱা নাই।
বৃহস্পতিবাৰে ৰাছিয়াৰ প্ৰতিৰক্ষা মন্ত্ৰ্যালয়ে জাৰি কৰা এক বিবৃতিত কয় যে এই ভেকচিন ১৮জন স্বেচ্ছাসেৱকৰ ওপৰত পৰীক্ষা কৰা হয় আৰু এতিয়ালৈকে তেওঁলোকৰ দেহত কোনোধৰণৰ সমস্যা হোৱা নাই।
আটাইকেইজনৰে পাছত পৰীক্ষা কৰি চোৱা হৈছে আৰু কাৰো দেহত কোনো ক্ষতিকাৰক প্ৰভাৱ পৰা দেখা যোৱা নাই।
আনহাতে, ভেকচিন প্ৰয়োগ কৰাৰ পাছত স্বেচ্ছাসেৱককেইজনৰ ওপৰত চিকিৎসকে সম্পূৰ্ণ নজৰ ৰাখিছে।
ইপিনে, ৰাছিয়াত বিগত ২৪ ঘন্টাত ৭৭৯০টা কৰ’না আক্ৰান্তৰ ঘটনা পোহৰলৈ আহিছে। দেশখনত বৰ্তমান মুঠ আক্ৰান্তৰ সংখ্যা ৫,৬১০৯১জনলৈ বৃদ্ধি পাইছে।
দেশখনত কোভিড-১৯ত মৃত্যু হোৱা লোকৰ সংখ্যা ৭৬৬০জনলৈ বৃদ্ধি পাইছে।
