ছৌদি আৰৱ এতিয়া বিশ্বৰ তাৰকা ফুটবলাৰৰ নতুন ঠিকনা। ক্রিষ্টিয়ানো ৰোনাল্ডোৰ পৰা আৰম্ভ কৰি নেইমাৰলৈকে তাৰকাসকলে নিজৰ ফুটবল দক্ষতা প্রদর্শন কৰি আহিছে এই মধ্য প্রাচ্যৰ দেশত৷ ছৌদি ফুটবল লীগে জনপ্ৰিয়তাও লাভ কৰিছে।
এইবাৰ ছৌদি আৰৱৰ চকু IPLৰ ওপৰত। ছৌদি আৰৱৰ ৰাজকুমাৰ প্ৰিন্স মহম্মদ বিন ছালমানে এই মেগা টুৰ্ণামেণ্টত ধন ঢালিব বিচাৰিছে। চৌদি আৰৱে বিশ্বৰ বিভিন্ন দেশত আই পি এল প্ৰসাৰিত কৰিব বিচাৰিছে।
লগতে পঢ়কঃ ICC World Cup 2023: আফগানিস্তানৰ জয়ে সংকটত পেলালে পাকিস্তানক! একেলগে বিপদসীমাত ৩টা ডাঙৰ দল
আই পি এলৰ বৃহৎ অংশীদাৰিত্ব ক্ৰয় কৰিব বিচাৰিছে ছৌদি চৰকাৰে। বাতৰি মতে, ছৌদি চৰকাৰে পাঁচশ কোটি ডলাৰ বিনিয়োগৰ বাবে আগ্ৰহ প্ৰকাশ কৰিছে।
বাতৰি অনুসৰি, ছৌদি চৰকাৰে আই পি এলক হোল্ডিং কোম্পানীলৈ ৰূপান্তৰিত কৰিব বিচাৰিছে। এই সন্দৰ্ভত ছৌদি ৰাজকুমাৰৰ উপদেষ্টাসকলে ভাৰত চৰকাৰৰ সৈতে কথা পাতিছে।
লগতে পঢ়কঃ সাৱধান! মোবাইলৰ অত্যধিক ব্যৱহাৰ পুৰুষৰ বাবে বিপজ্জনক; কমি যাব পাৰে শুক্ৰাণুৰ সংখ্যা
অৱশ্যে ছৌদি চৰকাৰৰ উদ্দেশ্যৰ প্ৰতি লক্ষ্য ৰাখি বিচিচিআইয়ে কোনো মন্তব্য কৰা নাই। আই পি এল বিচিচিআইৰ বাবে লাভজনক প্ৰতিযোগিতা। এই মেগা টুৰ্ণামেণ্টৰ আয়োজন কৰি ব’ৰ্ডৰ তহবিলত বহু টকা উপাৰ্জন হয়। সেই লাভজনক প্ৰতিযোগিতাখন ব’ৰ্ডে ছৌদি আৰৱক গতাই দিব? এই প্ৰশ্নই এতিয়া ভাৰতীয় ক্ৰিকেটৰ ভিতৰ মহলত চৰ্চা হৈছে।
