ক’ৰ’ণাতংকত ত্ৰাহি মধুসুদন সোঁৱৰিছে দেশৰ জনগণেে। দেশৰ অৰ্থনীতিৰো তথৈৱচ অৱস্থা। ইফালে চীন-নেপালৰ সৈতে সীমান্তত সংঘাত।
তেনে এক বিপদঘন সময়তে দেশৰ প্ৰধানমন্ত্ৰী নৰেন্দ্ৰ মোদীয়ে ব্যস্ত আছে আমোদ-প্ৰমোদ তথা অৱসৰ বিনোদনত। এই অভিযোগ কংগ্ৰেছ নেতা ৰাহুল গান্ধীৰ।
সোমবাৰে সংসদৰ বৰ্ষাকালীন অধিবেশনৰ আৰম্ভ হোৱাৰ দিনাই এইদৰে আক্ৰমণাত্মক হৈ উঠিছে বিৰোধী নেতাগৰাকী।
প্ৰধানমন্ত্ৰী মোদীক কটাক্ষ কৰি কংগ্ৰেছ নেতাগৰাকীয়ে জনসাধাৰণক উদ্দেশ্যি কয়, “নিজৰ জীৱন নিজে বচাওক। কাৰণ প্ৰধানমন্ত্ৰী মূয়ৰ পক্ষীৰ সৈতে ব্যস্ত আছে।”
कोरोना संक्रमण के आँकड़े इस हफ़्ते 50 लाख और ऐक्टिव केस 10 लाख पार हो जाएँगे।
अनियोजित लॉकडाउन एक व्यक्ति के अहंकार की देन है जिससे कोरोना देशभर में फैल गया।
मोदी सरकार ने कहा आत्मनिर्भर बनिए यानि अपनी जान ख़ुद ही बचा लीजिए क्योंकि PM मोर के साथ व्यस्त हैं।
— Rahul Gandhi (@RahulGandhi) September 14, 2020
উল্লেখ্য যে, দেশত আত্মনিৰ্ভৰশীল শ্ল’গান আৰম্ভ কৰি প্ৰধানমন্ত্ৰী নৰেন্দ্ৰ মোদীয়ে এই ক’ৰ’ণাকালত দেশৰ জনসাধাৰণৰ প্ৰতি ন্যূনতম দায়িত্বও পালন কৰিবলৈ সক্ষম হোৱা নাই বুলি বিৰোধী নেতাগৰাকীয়ে অহৰহ আক্ৰমণ কৰি আহিছে।
দেশৰ অৰ্থনীতিৰ অৱস্থা তথৈৱচ, জিডিপি মাইনাছলৈ অৱনমন হোৱাৰ পিছতো প্ৰধানমন্ত্ৰী নৰেন্দ্ৰ মোদীয়ে জিডিপিৰ সংক্ৰান্তত এটা শব্দ উচ্চাৰণ নকৰি দেশৰ জনসাধাৰণক অবাস্তৱ ভাষণবাজীৰে মোহাৱিষ্ট কৰি ৰাখিবলৈ চেষ্টা কৰি আহিছে বুলিও অভিযোগ উঠিছে।
আনকি দেশৰ বিত্তমন্ত্ৰী নিৰ্মলা সীতাৰমণে দেশৰ বিধ্বস্ত অৰ্থনীতিৰ বাবে ভগৱানক জগৰীয়া কৰি দেশজুৰি কৰ্কথনাৰ সন্মুখীন হৈছে।
আৰু তেনে সময়তে প্ৰধানমন্ত্ৰী মোদীয়ে চৰকাৰী বাসভৱন ৭, লোক কল্যাণ মাৰ্গত ময়ূৰ পক্ষীৰ সৈতে অৱসৰ বিনোদন কৰাৰ ফ’টো আৰু ভিডিঅ’ টুইটাৰ যোগে ভাইৰেল কৰিছিল।
আজি সংসদৰ বৰ্ষাকালীন অধিৱেশন আৰম্ভ হোৱাৰ পূৰ্বে প্ৰধানমন্ত্ৰী মোদীৰ এই আমোদ-প্ৰমোদক তীব্ৰ কটাক্ষ কৰি ৰাহুল গান্ধীয়ে আৰু কয়, “এই সপ্তাহতে ভাৰতত ক’ৰ’ণা আক্ৰান্তৰ সংখ্যাই ৫০ লাখ অতিক্ৰম কৰিব। সক্ৰিয় ক’ৰ’ণাক্ৰান্তৰ সংখ্যাই ১০ লাখ চুব। এজন মানুহৰ ইগ’ কেন্দ্ৰিক অপৰিকল্পিত লকডাউনৰ বাবে দেশজুৰি ক’ৰ’ণা ভাইৰাছে এইদৰে বিয়পি পৰিল। মোদী চৰকাৰে কৈছে আত্মনিৰ্ভৰ হওক। ইয়াৰ অৰ্থ হৈছে নিজৰ জীৱন নিজে বচাওক। কাৰণ প্ৰধানমন্ত্ৰী নিজে ময়ূৰ পক্ষীৰ সৈতে ব্যস্ত।”