বছৰটোৰ দ্বিতীয়টো চন্দ্ৰগ্ৰহণ ৫জুন অৰ্থাৎ আজি লাগিব। এই চন্দ্ৰগ্ৰহণক উপছায়া চন্দ্ৰগ্ৰহণ বুলি কোৱা হৈছে।
ধৰ্মীয় দিশৰ পৰা এই উপছায়া চন্দ্ৰগ্ৰহণক বিশেষ মান্যতা দিয়া নহয় যদিও গ্ৰহণৰ সময়ত কিছু সাৱধানতা অৱলম্বন কৰাৰ প্ৰয়োজনীয়তা আছে।
এইবাৰৰ এই উপছায়া চন্দ্ৰগ্ৰহণ ৫জুনৰ নিশা ১১বাজি ১৫মিনিটত আৰম্ভ হ’ব আৰু নিশা ২বাজি ৩৪ মিনিটত সমাপ্ত হ’ব।
এইবাৰৰ চন্দ্ৰগ্ৰহণ কেতিয়া আৰু ক’ত দেখা পোৱা যাব আৰু ভাৰতত ইয়াৰ কিমান প্ৰভাৱ পৰিব?
এই চন্দ্ৰগ্ৰহণ এছিয়া, অষ্ট্ৰেলিয়া আৰু আফ্ৰিকাত দেখা পোৱা যাব। ভাৰততো এই চন্দ্ৰগ্ৰহণ দেখা পোৱা যাব।
নিশা প্ৰায় ১১বাজি ১৫ মিনিটৰ পৰা নিশা আঢ়ৈ বজালৈকে অৰ্থাৎ প্ৰায় তিনিঘন্টা এই চন্দ্ৰগ্ৰহণ থাকিব।
গ্ৰহণৰ সময়ছোৱাত চন্দ্ৰটো গ্ৰাস হোৱা অৱস্থাৰ পৰিৱৰ্তে সম্পূৰ্ণ আকাৰত দেখা পোৱা যাব।
এইবাৰৰ চন্দ্ৰগ্ৰহণ উপছায়া চন্দ্ৰগ্ৰহণ হোৱাৰ বাবে শাস্ত্ৰ অনুসৰি ইয়াক গ্ৰহণ হিচাপে মানি লোৱা নহয় আৰু এই সময়ছোৱাত ধৰ্মীয় কামকাজত কোনো বাধা নাথাকে।
আজিৰ চন্দ্ৰ গ্ৰহণ আৰম্ভ হোৱাৰ পূৰ্বে চন্দ্ৰটো পৃথিৱীৰ উপছায়াত প্ৰৱেশ কৰিব। যেতিয়া চন্দ্ৰ পৃথিৱীৰ বাস্তৱিক ছায়াৰ ভিতৰত প্ৰৱেশ নকৰাকৈয়ে বাহিৰলৈ ওলাই আহে তেতিয়া তাকেই উপছায়া চন্দ্ৰগ্ৰহণ বুলি কোৱা হয়।
জুন মাহৰ এই চন্দ্ৰগ্ৰহণৰ পাছত জুলাই আৰু নৱেম্বৰত আন দুটা চন্দ্ৰগ্ৰহণ দেখা পোৱা যাব।
চন্দ্ৰগ্ৰহণৰ সময়ত উৰ্বৰতা, মানৱ দেহত ছালৰ ৰোগ, হজম শক্তি তথা চকুৰ ওপৰত প্ৰভাৱ পৰাৰ কথা বিশ্বাস কৰা হয়।
সেয়ে এইক্ষেত্ৰত সাৱধানতা অৱলম্বন কৰা উচিত।