কাইলৈ অনুষ্ঠিত হ’ব অসম লোকসেৱা আয়োগৰ প্ৰাৰম্ভিক পৰীক্ষা। লোকসেৱা আয়োগৰ এই পৰীক্ষাৰ প্ৰতি লক্ষ্য ৰাখি কাইলৈ গুৱাহাটী মহানগৰীত জাৰি কৰা হৈছে ১৪৪ ধাৰা।
পৰীক্ষা নিকা আৰু স্বচ্ছ পদ্ধতিৰে অনুষ্ঠিত কৰাৰ উদ্দেশ্যে এই পদক্ষেপ গ্ৰহণ কৰা হৈছে বুলি অসম আৰক্ষীয়ে জানিবলৈ দিয়ে।
গুৱাহাটী আৰক্ষীয়ে এক জাননী জাৰি কৰি কয় যে অসাধু কাৰ্যকলাপে পৰীক্ষা কেন্দ্ৰসমূহৰ ভিতৰত আৰু ইয়াৰ আশে-পাশে পৰীক্ষাত বিঘ্নিত কৰিবলৈ অন্যায় উপায়ৰ আশ্ৰয় লোৱাৰ যথেষ্ট সম্ভাৱনা আছে।
ইয়াৰ প্ৰতি লক্ষ্য ৰাখি সকলো পৰীক্ষা কেন্দ্ৰত পৰীক্ষা যাতে শান্তিপূৰ্ণভাৱে অনুষ্ঠিত কৰিব পৰা যায়, তাৰ বাবে প্ৰতিৰোধমূলক ব্যৱস্থা গ্ৰহণ কৰাটো প্ৰয়োজনীয় বুলি বিবেচিত হৈছে বুলি জাননীখনত কোৱা হৈছে।
এই নিৰ্দেশাৱলী অনুসৰি গুৱাহাটীৰ পৰীক্ষা কেন্দ্ৰৰ সমীপত আৰু পৰীক্ষা কেন্দ্ৰৰ ১০০ মিটাৰৰ ভিতৰত পাঁচজনতকৈ অধিক লোকৰ সমাবেশ, যিকোনো ধৰণৰ বিক্ষোভ, শোভাযাত্ৰা, আন্দোলন আদি নিষিদ্ধ কৰা হৈছে।
এই ঘোষণা উলংঘা কৰিলে প্ৰাসংগিক আইনৰ অধীনত শাস্তিযোগ্য হ’ব বুলি জাননীখনত উল্লেখ কৰা হৈছে।
পৰীক্ষাত অৱতীৰ্ণ হোৱা প্ৰশিক্ষাৰ্থীসকলক কৰ্তৃপক্ষৰ সৈতে সহযোগিতা কৰাৰ লগতে পৰীক্ষা সুচাৰুৰূপে পৰিচালিত হোৱাৰ প্ৰতি লক্ষ্য ৰাখি নিৰ্দেশনাসমূহ পালন কৰিবলৈ পৰামৰ্শ দিয়া হৈছে।