Security expert Jaideep Saikia বিশ্ববিখ্যাত নিৰাপত্তা বিশেষজ্ঞ আৰু অসমৰ প্ৰসিদ্ধ লেখক জয়দীপ শইকীয়াক ভাৰতীয় সেনাৰ ইষ্টাৰ্ণ কমাণ্ডৰ জেনেৰেল অফিচাৰ কমাণ্ডিং-ইন-চীফৰ সন্মানীয় প্ৰশংসা কাৰ্ড প্ৰদান কৰা হৈছে।
২০২২ চনৰ ১৫ আগষ্টত ভাৰতৰ ৭৫ তম স্বাধীনতা দিৱস উপলক্ষে শইকীয়াক এই বঁটা প্ৰদান কৰা হয় ।
বঁটা ঘোষণা কৰি সামৰিক সূত্ৰসমূহে উল্লেখ কৰিছে যে জয়দীপ শইকীয়াক যোৱা দুটা দশকত দেশৰ নিৰাপত্তাৰ প্ৰতি তেওঁৰ নিস্বাৰ্থ সেৱাৰ লগতে কৌশলগত ৰাষ্ট্ৰীয় সুৰক্ষা বিষয়ৰ সৈতে সম্পৰ্কিত বিষয়ত তেওঁৰ সবল লিখনিৰ বাবে এই বিশেষ সন্মান আগবঢ়োৱা হৈছে।
লগতে পঢ়ক: অসমৰ গৱেষকলৈ আমেৰিকাৰ বিশ্ববিদ্যালয়ৰ সন্মানীয় ফুলব্ৰাইট-নেহৰু পোষ্ট ডক্টৰেল ফেলোশ্বিপ
“ৰাষ্ট্ৰীয় সুৰক্ষা পৰিষদ সচিবালয়ত উত্তৰ-পূব ভাৰতৰ বিশেষজ্ঞ” হিচাপে কাৰ্যনিৰ্বাহ কৰাৰ উপৰি শইকীয়াই ভাৰত আৰু অসম চৰকাৰক নিৰাপত্তা পৰামৰ্শদাতা হিচাপে সেৱা আগবঢ়াইছে।
তেওঁ ইছলামিক ষ্টেট, আল-কায়দা আৰু সকলো ধৰণৰ ইছলামিক সন্ত্ৰাসবাদী গোট সম্পৰ্কীয় এগৰাকী প্ৰসিদ্ধ বিশ্লেষক তথা বিশেষজ্ঞ।
তেওঁ আফগানিস্তান, বাংলাদেশ আৰু ভাৰতীয় উপ-মহাদেশত ইছলাম সম্পৰ্কীয় হিংসাত্মক ঘটনাৱলীৰ এক তীক্ষ্ণ পৰ্যবেক্ষক আৰু এই বিষয়ত কাকতত তেওঁ বহু তথ্যসমৃদ্ধ লিখনি লিখিছে।
লগতে পঢ়ক: Independence Day: আঁৰৰ কাহিনী! পাকিস্তানে কিয় ভাৰততকৈ এদিন আগতে স্বাধীনতা দিৱস উদযাপন কৰে?
শইকীয়া দিল্লীৰ “বিবেকানন্দ ইণ্টাৰনেচনেল ফাউণ্ডেচন”ৰ এগৰাকী জ্যেষ্ঠ ফেলো আছিল য’ত তেওঁ বৰ্তমানৰ ৰাষ্ট্ৰীয় নিৰাপত্তা উপদেষ্টা অজিত ডোভালৰ সৈতে কাম কৰিছিল।
