প্ৰহসনত পৰিণত হৈছে অসম নাগালেণ্ডৰ মাজৰ সীমান্ত শান্তি চুক্তি।
৩১ জুলাইত অসম আৰু নাগালেণ্ডৰ মাজত শান্তি চুক্তি সম্পন্ন হোৱাৰ এটা সপ্তাহৰ ভিতৰতে দিচৈভেলী সংৰক্ষিত বনাঞ্চলত আও ষ্টুডেণ্ট কনফাৰেন্স নামৰ ছাত্ৰ সংগঠনটোৱে ফলক আঁৰি দিচৈভেলী বনাঞ্চল নাগালেণ্ডৰ বুলি দাবী কৰা কাৰ্যত জাঙুৰ খাই উঠিছে মৰিয়নিৰ কেইবাটাও জাতীয় সংগঠন।
চুতীয়া ছাত্ৰ সন্থা, অসম জাতীয়তাবাদী যুৱ ছাত্ৰ পৰিষদ, অসম চাহ জনজাতি ছাত্ৰ সন্থা, তাই আহোম ছাত্ৰ সন্থা, কৃষক মুক্তি সংগ্ৰাম সমিতি, টি এম পি কে, কৈৱৰ্ত ছাত্ৰ সন্থাৰ মৰিয়নি আঞ্চলিক সমিতিয়ে দেওবাৰে বিয়লি মৰিয়নি আৰক্ষী থানাৰ সমীপত অসম-নাগালেণ্ড সীমান্ত শান্তি চুক্তিৰ প্ৰতিলিপি দাহ কৰি উত্তাল প্ৰতিবাদ সাব্যস্ত কৰে।
দিচৈভেলীত অসম আৰক্ষী মোতায়ন কৰি মৰিয়নিৰ সীমান্তবাসীৰ জীৱন আৰু সম্পত্তিৰ নিৰাপত্তা সুনিশ্চিত কৰিবলৈ সংগঠন কেইটাই দাবী জনায়।
ইফালে সীমা সমস্যাক লৈ সস্তীয়া ৰাজনীতি নকৰিবলৈ প্ৰাক্তন বিধায়ক ৰূপজ্যোতি কুৰ্মীক সংগঠন কেইটাই সকীয়াই দিয়ে।