ৰাজনীতিৰ সৈতে অভিনয় জগতখন, বিশেষকৈ বলীউড যেন এক অৱিচ্ছিন্ন সম্পৰ্কৰে গঁথা। নেতা আৰু অভিনেতাৰ চৰিত্ৰবোৰো কেতিয়াবা সমাৰ্থক হৈ পৰে কল্পনা আৰু বা স্তৱৰ কাহিনীৰ জৰিয়তে।
এন চি পি বনাম এন চি পিৰ যুঁজখনৰ মাজত এইবাৰ প্ৰৱেশ কৰিলে চিনেমাৰ প্ৰসংগ। ৰাষ্ট্ৰীয়তাবাদী কংগ্ৰেছ দল প্ৰকৃততে কাৰ সেই সম্পৰ্কে শাৰদ পাৱাৰ আৰু অজিত পাৱাৰৰ মাজত হোৱা যুঁজখনকলৈ সমগ্ৰ মহানগৰীখন পোষ্টাৰেৰে ভৰি পৰিছে।
লগতে পঢ়ক: টুইটাৰৰ ‘শত্ৰু’ৰ আৱিৰ্ভাৱ! ইনষ্টাগ্ৰামে আনিছে নতুন এপ; কি কি সুবিধা আছে ইয়াত? চাওক সবিশেষ
শাৰদ পাৱাৰৰ সমৰ্থকে অজিত পাৱাৰক দেশদ্ৰোহী আখ্যা দি পোষ্টাৰ লগাইছে। এই বিশ্বাসঘাতকতাৰ বাবে সাধাৰণ ৰাইজে অজিত পাৱাৰক কেতিয়াও ক্ষমা নকৰে বুলিও পোষ্টাৰখনত উল্লেখ কৰা হৈছে। বাহুবলী চিনেমাখনৰ এটা বিশেষ দৃশ্যৰ জৰিয়তে অজিত পাৱাৰে খুড়াকৰ সৈতে কৰা বিশ্বাসঘাতকতাক তুলি ধৰা হৈছে।
সমৰ্থকসকলে দিল্লীত শাৰদ পাৱাৰৰ বাসগৃহৰ বাহিৰত পোষ্টাৰ লগাইছে। অজিত পাৱাৰৰ এন চি পিৰ দখলক দক্ষিণৰ ব্লকবাষ্টাৰ চিনেমা বাহুবলীৰ সৈতে তুলনা কৰা হৈছে। অজিত পাৱাৰক কাটাপ্পাৰ লগত আৰু শাৰদ পাৱাৰক বাহুবলীৰ লগত তুলনা কৰা হৈছে।
অনুৰাগীসকলে দাবী কৰিছে যে বাহুবলী চিনেমাখনৰ প্ৰথম খণ্ডৰ শেষৰ দৃশ্যত কাটাপ্পাই বাহুবলীক যিদৰে তৰোৱালেৰে আঘাত কৰিছিল, ঠিক সেইদৰে অজিত পাৱাৰেও খুড়াক শাৰদ পাৱাৰৰ পিঠিত তৰোৱালেৰে আঘাত কৰিছে।
লগতে পঢ়ক: শপতনামাত স্বাক্ষৰ কৰিও শান্তি নাই, হোটেলত বন্দী অজিত শিবিৰৰ বিধায়ক; দিল্লীলৈ শাৰদ পাৱাৰ
এন চি পিৰ ছাত্ৰ সংগঠনটোৱে লগোৱা পোষ্টাৰখনত লিখা আছে, “আপোনালোকৰ মাজত বিশ্বাসঘাতকসকল লুকাই থাকে, সমগ্ৰ দেশে সেয়া দেখিছে। এনে প্ৰতাৰকক মানুহে কেতিয়াও ক্ষমা নকৰে।” পোষ্টাৰৰ তলত হেচটেগ দি লিখা হৈছে-গদ্দাৰ।
বুধবাৰে এন চি পিৰ দুয়োটা শিবিৰে শক্তি প্ৰদৰ্শনৰ বৈঠক আহ্বান কৰিছিল। এনচিপিৰ ৫৩ গৰাকী বিধায়কৰ ভিতৰত অজিত পাৱাৰৰ বৈঠকত অংশ লৈছিল ৩২ বিধায়কে। আনহাতে, শাৰদ পাৱাৰৰ বৈঠকত ১৪ গৰাকী বিধায়ক উপস্থিত থাকে।
লগতে পঢ়ক: উইম্বলডনে ভংগ কৰিলে ১৪৬ বছৰীয়া নিয়ম; এতিয়া মহিলাসকলে পিন্ধিব পাৰিব ৰঙীণ অন্তৰ্বাস
ইতিমধ্যে অজিত পাৱাৰে এন চি পিৰ নাম আৰু প্ৰতীকৰ ওপৰত নিজৰ অধিকাৰ সাব্যস্ত কৰি নিৰ্বাচন আয়োগৰ কাষ চাপিছে। ইপিনে, ভতিজাকৰ এই পদক্ষেপৰ পাছত আজি শাৰদ পাৱাৰে দিল্লীলৈ গৈ কাৰ্যকৰী সমিতিৰ বৈঠকত অংশগ্ৰহণ লৈছে।
