বেংগালুৰুৰ এটা আইফোন বনোৱা কাৰখানাত এক অতি চাঞ্চল্যকৰ আৰু দুখজনক ঘটনা সংঘটিত হৈছে। বুধবাৰে ফক্সকন নামৰ কোম্পানীটোৰ কাৰখানাত কাম কৰা ৰেণুকা নামৰ এগৰাকী যুৱতীয়ে এটি সন্তান জন্ম দিয়ে। কিন্তু জন্মৰ অলপ পিছতেই তেওঁনিজৰ নৱজাতক শিশুটিক হত্যা কৰে। এই ভয়ংকৰ অপৰাধৰ অভিযোগত বৰ্তমান আৰক্ষীয়ে তেওঁৰবিৰুদ্ধে তদন্ত আৰম্ভ কৰিছে।
জানিব পৰা মতে, ৰেণুকা অবিবাহিত আছিল। বুধবাৰে ডিউটিত থকা অৱস্থাত হঠাতে প্ৰসৱ বেদনা আৰম্ভ হয়। আন একো উপায় নাপায় তাই ততাতৈয়াকৈ কাৰখানাৰ শৌচাগাৰলৈ যায় আৰু তাতেই সন্তানটোৰ জন্ম দিয়ে। কিন্তু সমাজৰ ভয় আৰু লাজৰ কাৰণে ছোৱালীগৰাকীআতংকিত হৈ পৰে। অবিবাহিত অৱস্থাত সন্তান জন্ম দিয়াৰ বাবে মানুহে কি ক’ব, সেই ভয়তে ছোৱালীগৰাকীয়ে শৌচাগাৰৰ ভিতৰতে নৱজাতকটোৰ ডিঙি কাটি হত্যা কৰে। তাৰ পিছত মৃতদেহটো এটা বেগত ভৰাই লৈ বাহিৰত পেলাই দিয়ে।
অলপ সময়ৰ পিছত ছোৱালীগৰাকীৰ এজন সহকৰ্মীয়ে শৌচাগাৰলৈ গৈ গোটেই ঘটনাটো ধৰিব পাৰে। শৌচাগাৰৰ ভিতৰৰ অৱস্থা দেখি তেওঁ ভয় খায় আৰু লগে লগে আৰক্ষীক খবৰ দিয়ে। আৰক্ষীয়ে জনোৱা মতে, কেৱল সামাজিক বদনামৰ ভয়তেই ৰেণুকাই এই নিষ্ঠুৰ কামটো কৰিবলৈ বাধ্য হ’ল। বৰ্তমান ৰেণুকাক এখন চিকিৎসালয়ত ভৰ্তি কৰোৱা হৈছে আৰু চিকিৎসা চলি আছে। আৰক্ষীয়ে ইতিমধ্যে ছোৱালীগৰাকীৰ বিৰুদ্ধে এটা গোচৰ ৰুজু কৰিছে। এই সমগ্ৰ ঘটনাই বৰ্তমান সকলোকে আচৰিত কৰি তুলিছে আৰু তীব্ৰ চাঞ্চল্যৰ সৃষ্টি কৰিছে।
