গুৱাহাটীত অনুষ্ঠিত হৈ থকা তৃতীয় খেলো ইণ্ডিয়া য়ুথ গেমছত সুন্দৰ প্ৰদৰ্শন অব্যাহত ৰাখিছে আয়োজক ৰাজ্য অসমে।
খেলো ইণ্ডিয়াৰ অষ্টম দিনাখন অসমৰ হৈ সাঁতোৰত স্বৰ্ণ পদক অৰ্জন কৰে প্ৰতিভাৱান সন্তৰণবিদ শিবাংগী শৰ্মাই।
শিংবাগীয়ে আজি ছোৱালীৰ ২০০ মিটাৰ ফ্ৰীষ্টাইল শাখাত স্বৰ্ণ পদক অৰ্জন কৰি ৰাজ্যলৈ গৌৰৱ কঢ়িয়াই আনে।
ক্ৰীড়া প্ৰতিযোগিতাখনৰ অষ্টম দিনাখন বৰ্তমানলৈ আয়োজক অসমে ৭ টা স্বৰ্ণ, ৯ টা ৰূপ আৰু ১২ টা ব্ৰঞ্জৰ সহ মুঠ ২৮ টা পদকেৰে পদক তালিকাৰ ত্ৰয়োদশ স্থানত আছে।
খেলো ইণ্ডিয়া য়ুথ গেইমছত ৰাজ্যলৈ প্ৰথমটো স্বৰ্ণ পদক আনিছিল পূজা বসুমতাৰীয়ে। প্ৰতিযোগিতাখনৰ জুডো ইভেণ্টত পূজা বসুমতাৰীয়ে স্বৰ্ণ পদক অৰ্জন কৰিছিল।
আনহাতে, মহাৰাষ্ট্ৰই ৩৭ টা স্বৰ্ণ, ৩৯ টা ৰূপ আৰু ৬০ টা ব্ৰঞ্জৰ পদক সহ মুঠ ১৩৬ টা পদকেৰে পদক তালিকাৰ শীৰ্ষত থকাৰ বিপৰীতে হাৰিয়ানাই ২৯ টা স্বৰ্ণ, ৩২ টা ৰূপ আৰু ৩৩ টা ব্ৰঞ্জৰ পদক সহ মুঠ ৯৪ টা পদকেৰে দ্বিতীয় স্থানত আছে।