আজি ঘোষণা কৰা ২০২০ বৰ্ষৰ হাইস্কুল শিক্ষান্ত পৰীক্ষাত ৮৩.৯২ শতাংশৰ উত্তীৰ্ণৰ হাৰেৰে শীৰ্ষ স্থান দখল কৰিবলৈ সক্ষম হৈছে শিৱসাগৰ জিলাই।
এইবাৰৰ হাইস্কুল শিক্ষান্ত পৰীক্ষাত শিৱসাগৰ জিলাৰ সৰ্বমুঠ ১১,০২৩ গৰাকী পৰীক্ষাৰ্থীয়ে পৰীক্ষাত অৱতীৰ্ণ হৈছিল। ইয়াৰ ভিতৰত ৯২৫১ গৰাকীয়ে সুখ্যাতিৰে সফলতা অৰ্জন কৰে।
ইয়াৰে প্ৰথম বিভাগত উত্তীৰ্ণ হয় ২৮৬০ গৰাকী, দ্বিতীয় বিভাগত ৩৩৭৭ গৰাকী আৰু তৃতীয় বিভাগত উত্তীৰ্ণ হয় ৩০১৪ গৰাকী পৰীক্ষাৰ্থী।
আনহাতে শিৱসাগৰৰ পাছতে ৭৮.৭৩ শতাংশ উত্তীৰ্ণৰ হাৰেৰে দ্বিতীয় স্থান লাভ কৰিছে নলবাৰী জিলাই। জিলাখনত ১০,১৫৫ গৰাকী পৰীক্ষাৰ্থীৰ বিপৰীতে উত্তীৰ্ণ হয় ৭৯৯৫ গৰাকী পৰীক্ষাৰ্থী।
ইয়াৰে প্ৰথম বিভাগত উত্তীৰ্ণ হয় ২৩০৩ গৰাকী, দ্বিতীয় বিভাগত ২৯৩৪ গৰাকী আৰু তৃতীয় বিভাগত উত্তীৰ্ণ হয় ২৭৫৮ গৰাকী।
ইফালে ৭৪.৩৫ শতাংশ উত্তীৰ্ণৰ হাৰেৰে তৃতীয় স্থানত থাকে দৰং জিলা। জিলাখনৰ ৯৮৩১ গৰাকী পৰীক্ষাৰ্থীৰ বিপৰীতে উত্তীৰ্ণ হয় ৭৩০৯ গৰাকী পৰীক্ষাৰ্থী।
প্ৰথম বিভাগত ১৯১০ গৰাকী, দ্বিতীয় বিভাগত ২৯১৮ গৰাকী আৰু তৃতীয় বিভাগত ২৪৮১ গৰাকী পৰীক্ষাৰ্থী উত্তীৰ্ণ হয়।
উল্লেখ্য যে চলিত বৰ্ষৰ হাইস্কুল শিক্ষান্ত পৰীক্ষাত ৪৪.২০ শতাংশৰে সৰ্বনিম্ন ফলাফল প্ৰদৰ্শন কৰে ধুবুৰী জিলাই।
