আৰু ছগৰাকী ক’ভিড ৰোগীয়ে অসমত প্ৰাণ হেৰুৱাইছে, শুকুৰবাৰলৈকে মুঠ মৃতকৰ সংখ্যা ২২৭লৈ বৃদ্ধি পাইছে।
শেহতীয়াকৈ মৃত্যু হোৱা লোককেইগৰাকী হৈছে— ধুবুৰীৰ মাধাই সাহা (৫৩), বৰপেটাৰ কামেশ্বৰ লহকৰ (৫৫), কামৰূপৰ কমল কৃষ্ণ মহন্ত (৪৭), হাইলাকান্দিৰ হৰিপদ দেব নাথ (৫৫), কাছাৰৰ বিধূ ভূষণ দাস (৫৭) আৰু ডিব্ৰুগড়ৰ চাহিদা খাতুন (৪৩)।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
অসমত বৃহস্পতিবাৰলৈকে ২২১গৰাকী ক’ভিড ৰোগীয়ে প্ৰাণ হেৰুৱাইছিল।
বিপৰীতে বৃহস্পতিবাৰলৈকে অসমত ক’ভিডৰ পৰা আৰোগ্য লাভ কৰা ব্যক্তিৰ সংখ্যা হৈছে ৬৩,১২০ (।)
Demise of Six #COVID patients~ Late Madhai Saha (53) of Dhubri; Late Kameswar Lahkar (55) of Barpeta; Late Kamal Krishan Mahanta (47) of Kamrup R; Late Haripad Deb Nath (55) of Hailakandi; Late Bidhu Bhushan Das (57) of Cachar & Late Sahida Khatun (43) of Dibrugarh.
Prayers ?
— Himanta Biswa Sarma (@himantabiswa) August 21, 2020
অসমত বৃহস্পতিবাৰে সক্ৰিয় ক’ভিড ৰোগীৰ সংখ্যা আছিল ২২,৭০৮ (।)
অসমত বৃহস্পতিবাৰলৈকে চিনাক্ত মুঠ ক’ভিড পজিটিভ ব্যক্তিৰ সংখ্যা আছিল ৮৬,০৫২ (।)
ইয়াৰে তিনিগৰাকী আন ঠাইলৈ স্থানান্তৰিত হৈছে।