ইণ্ডিয়ান প্ৰিমিয়াৰ লীগ-২০২০ত দিল্লী কেপিটেলছৰ সৈতে চুক্তিবদ্ধ হৈছে ভাৰতীয় টেষ্ট দলৰ নিৰ্ভৰযোগ্য স্পীনাৰ বৰিচন্দ্ৰন আশ্বিন।
দিল্লী কেপিটেলছে ৭.৬ টকাত কিংছ এলেভেন পঞ্জাৱৰ পৰা ক্ৰয় কৰে আশ্বিনক।
এইক্ষেত্ৰত কিংছ এলেভেন পঞ্জাৱে দিল্লী কেপিটেলছৰ পৰা ১.৫ কোটি টকা লাভ কৰে লগতে কৰ্ণাটকৰ উদীয়মান স্পীনাৰ জগদীশ সুচিতক চুক্তিবদ্ধ কৰে।
উল্লেখযোগ্য যে, বিগত বৰ্ষত কিংছ এলেভেন পঞ্জাৱৰ অধিনায়ক আছিল বৰিচন্দ্ৰন আশ্বিন।
শ্ৰেয়াৰ আয়াৰ নেতৃত্বাধীন দিল্লী কেপিটেলছৰ সৈতে আশ্বিন চুক্তিবদ্ধ হোৱাত দলটো উপকৃত হ’ব বুলি আশা কৰা হৈছে।
অভিজ্ঞ তাৰকা স্পীনাৰ গৰাকীয়ে বৰ্তমানলৈ আই পি এলত মুঠ ১৩৯ খন খেলত অংশ গ্ৰহণ কৰি ১২৫ টা উইকেট দখল কৰিছে।
শিখৰ ধাৱান, পৃথ্বি শ্ব, ঋষভ পণ্ট, শ্ৰেয়াৰ আয়াৰ, কাগিছ’ ৰাৱাডা, ট্ৰেণ্ট ব’ল্ট, মুজিবৰে গঠিত যুৱ দিল্লী দলোটোৱে বিগত আই পি এলত উল্লেখযোগ্য প্ৰদৰ্শন দাঙি ধৰিছিল।
আনহাতে, গুৱাহাটীতো ২০২০ বৰ্ষৰ আই পি এলৰ তিনিখন খেল অনুষ্ঠিত হ’ব। ইয়াৰে ৰাজস্থান ৰোয়েলছে দুখন খেলত অংশ ল’ব।
