সুধাকণ্ঠ ড0 ভূপেন হাজৰিকাৰ ৯২ সংখ্যক জন্ম জয়ন্তী উপলক্ষে বৰপেটা চহৰত আজি ভূপেন হাজৰিকাৰ এটি প্ৰতিমূৰ্তি উন্মোচন কৰা হয় ৷
সুধাকণ্ঠৰ প্ৰতি সন্মান জনাই বৰপেটাৰ তৰামাই দাসে স্বামী টিকেন্দ্ৰ দাসৰ স্মৃতিত নিজৰ ধন খৰচ কৰি নিৰ্মাণ কৰি উলিওৱা ড০ ভূপেন হাজৰিকাৰ প্ৰতিমূৰ্তিটো আজি বিয়লি উন্মোচন কৰা হয়।
ভূপেন হাজৰিকাৰ ভগ্নী তথা বিশিষ্ট সংগীত শিল্পী সুদক্ষিণা শৰ্মা আৰু ভাতৃ সমৰ হাজৰিকাৰ উপস্থিতিত প্ৰতিমূৰ্তিটো আনুষ্ঠানিকভাবে উন্মোচন কৰে ‘প্ৰতিদিন টাইম’ নামৰ বৈদ্যুতিন মাধ্যমৰ মুখ্য সম্পাদক নিতুমনি শইকীয়াই।
বৰপেটা ফিল্ম চচাইটিৰ উদ্যোগত নিৰ্মাণ কৰি উলিওৱা প্ৰতিমূৰ্তিটোৰ উন্মোচনী অনুষ্ঠানত বৰপেটা ফিল্ম চচাইটিৰ সভাপতি তথা জিলা উপায়ুক্ত থানেশ্বৰ মালাকাৰ, আৰক্ষী অধীক্ষক ভায়োলেট বৰুৱাৰ লগতে কেইবাগৰাকী বিশিষ্ট উপস্থিত থাকে।
সুদক্ষিণা শৰ্মাই বন্তি প্ৰজ্বলনেৰে শুভাৰম্ভ কৰা অনুষ্ঠানত সত্ৰনগৰী বৰপেটাৰ বহু সংখ্যক ৰাইজ উপস্থিত থাকে। উল্লেখযোগ্য যে আজি উন্মোচন কৰা প্ৰতিমূৰ্তিটো বৰপেটা জিলাত স্থাপন কৰা ড০ ভূপেন হাজৰিকাৰ প্ৰথমটো প্ৰতিমূৰ্তি।