পশ্চিম অসমৰ সু – প্ৰসিদ্ধ ধুবুৰী ভোলানাথ মহাবিদ্যালয়ৰ ড্ৰামা ক্লাবৰ উদ্যোগত ৬জানুৱাৰী বৃহস্পতি বাৰে বিদ্যালয় -মহাবিদ্যালয়ৰ ছাত্ৰ -ছাত্ৰীসকলৰ মাজত ক’ভিড সম্পৰ্কে সজাগতা সৃষ্টিৰ বাবে ছাত্ৰ -ছাত্ৰীৰ জৰিয়তে এখনি বাটৰ নাট বিভিন্ন ঠাইত অনুষ্ঠিত কৰা হয় ।
ভোলানাথ মহাবিদ্যালয়ৰ অসমীয়া বিভাগৰ সহযোগী অধ্যাপিকা তথা বি.এন. চি. ড্ৰামা ক্লাবৰ তত্ত্বাবধায়িকা ড.অলকা শৰ্মাই ৰচনা কৰা “ক’ভিড ভেকচিন ” নামৰ বাটৰ নাটখন পৰিচালনা কৰে অসমীয়া বিভাগৰ স্নাতক পঞ্চম ষান্মাষিকৰ ছাত্ৰ মৃগেন দাসে ।
নাটখনিত ছাইদুল ইছলাম ,মৃগেন দাস ,অনি ৰায় ,ৰাইহানা ইছলাম , আৰিফুল ইছলাম ,ৰিয়া মণ্ডল ,তনুশ্ৰী নাথ ,সুহানা আফ্ৰিন আদি ছাত্ৰ -ছাত্ৰীয়ে বিভিন্ন বিভিন্ন ভাওত অভিনয় কৰে ।
নাটখনিৰ শুভ উদ্বোধন কৰে মহাবিদ্যালয়ৰ অধ্যক্ষ ড.ধ্ৰুৱ চক্ৰৱৰ্তীয়ে |নাট খনিয়ে কভিড ভেকচিনৰ সজাগতাৰ লগতে ক ভিড ৰোগৰ ক্ষেত্ৰত সমাজত বিশেষ ধৰণৰ সজাগতাৰ সৃষ্টি কৰিব পাৰিব বুলি দৰ্শকসকলে একেমুখে দোহাৰে ।
