উত্তৰাখণ্ডৰ ওম পৰ্বতৰ শীৰ্ষৰ নোহোৱা হৈছে বৰফ। ওম পৰ্বতৰ শিখৰটো বৰফমুক্ত হৈ পৰিছে। ইতিহাসত প্ৰথমবাৰৰ বাবে এই ঘটনা সংঘটিত হৈছে। যোৱা সপ্তাহত বৰফহীন ওম শিখৰ প্ৰত্যক্ষ কৰে পৰ্যটকসকলে।
এই ক্ষেত্ৰত বিশেষজ্ঞসকলে কয় যে বিগত পাঁচ বছৰ ধৰি হিমালয়ৰ ওপৰৰ অংশত বৰফৰ পৰিমাণ কমি আহিছে। তাৰ লগতে বৰষুণৰ পৰিমাণো কমিছে। ফলত গোলকীয় উষ্ণতা বৃদ্ধি পাইছে। ইয়াৰ উপৰিও যোৱা কেইবছৰমানৰ পৰা বায়ু প্ৰদূষণো বৃদ্ধি পাইছে।
বিশেষজ্ঞসকলৰ মতে বায়ু প্ৰদূষণৰ বাবেই এনেকুৱা হৈছে। ব্যাস উপত্যকাৰ এটা জনপ্ৰিয় পৰ্যটনস্থলী হৈছে মাউণ্ট ওম, যিটো প্ৰায় ১৪,০০০ ফুট উচ্চতাত অৱস্থিত। পাহাৰৰ শিখৰত থকা বৰফবোৰৰ আকৃতি ‘ওম’ ৰ দৰে। সেইবাবেই এই পৰ্বতটোক ওম পৰ্বত বুলি কোৱা হয়।
এজন পৰ্যটকে কয়, “মই ১৬ আগষ্টত তালৈ গৈছিলো। সদায় বৰফেৰে আবৃত ওম শিখৰত বৰফ নথকা দেখি হৃদয়ক কঁপি উঠিছিল।
উল্লেখ্য যে গুঞ্জী গাঁৱৰ বাসিন্দা উৰ্মিলা সানৱালে বৰফমুক্ত ওম পৰ্বতৰ ফটো তুলিছিল। তেওঁ কয় – এয়া যেন এক অচিনাকী দৃশ্য।
এই সন্দৰ্ভত এগৰাকী বিষয়াই কয় যে, যদিহে পাহাৰৰ শিখৰটো বহুদিন বৰফমুক্ত হৈ থাকে তেন্তে পৰ্যটনৰ ওপৰতো ইয়াৰ প্ৰভাৱ পৰিব।
