মাৰ্চ মাহত BS-IV বাহন ক্ৰয় কৰা গ্ৰাহকলৈ বৃহস্পতিবাৰে সকাহ প্ৰদান কৰিছে উচ্চতম ন্যায়ালয়ে।
লকডাউনৰ বাবে যিসকল লোকে ৩১মাৰ্চৰ সময়সীমাৰ ভিতৰত BS-IV বাহনৰ পঞ্জীয়ন কৰা নাই তেওঁলোকক আদালতে পঞ্জীয়নৰ অনুমতি দিছে।
আদালতে কয় যে অকল সেইবিলাক BS-IV বাহনৰহে পঞ্জীয়ন কৰিব পাৰিব যিবোৰ সকডাউনৰ পূৰ্বে বিক্ৰী হৈছিল আৰু ই-বাহন পৰ্টেলত আপলোড কৰা হৈছিল।
এটা কথা স্পষ্ট যে লকডাউনৰ পাছতবিক্ৰী হোৱা BS-IV বাহনৰ পঞ্জীয়নৰ ওপৰত থকা নিষেধাজ্ঞা বাহাল থাকিব।
উল্লেখ্য যে ইয়াৰ পূৰ্বৰ শুনানিত উচ্চতম ন্যায়ালয়ে লকডাউনৰ সময়ত BS-IV বাহনৰ বিক্ৰী সন্দৰ্ভত প্ৰশ্ন উত্থাপন কৰিছিল।
আদালতে কৈছিল যে মাৰ্চ মাহৰ অন্তিম সপ্তাহত লকডাউন চলি থকাৰ সময়ত সাধাৰণতকৈ অধিক বাহন বিক্ৰী হৈছিল যাৰ বাবে আদালতে মাৰ্চ মাহত বিক্ৰী হোৱা বাহনৰ সংখ্যা জানিব বিচাৰিছিল।
আনহাতে, উচ্চতম ন্যায়ালয়ে BS-IV বাহনৰ বিক্ৰী আৰু পঞ্জীয়নৰ বাবে ৩১ মাৰ্চ,২০২০ৰ সময়সীমা বান্ধি দিছিল।
ইয়াৰ মাজতে ২২মাৰ্চত জনতা কাৰ্ফিউ দিয়া হৈছিল আৰু ২৫মাৰ্চৰ পৰা দেশজুৰি লকডাউন আৰম্ভ হৈছিল।
ডীলাৰসকলৰ তাত বৃহৎ মাত্ৰাত BS-IV বাহন বিক্ৰীৰ বাবে পৰি ৰৈছিল আৰু সেয়েহে তেওঁলোকে BS-IV বাহনৰ বিক্ৰী আৰু পঞ্জীয়নৰ বাবে সময়সীমা বৃদ্ধিৰ দাবী লৈ উচ্চতম ন্যায়ালয়ত উপস্থিতি হৈছিল।
উচ্চতম ন্যায়ালয়ে ১০শতাংশ BS-IV বাহন বিক্ৰীৰ অনুমতি দিছিল যদিও আঠ জুলাইত আদালতখনে ইয়াৰ ২৭ মাৰ্চৰ নিৰ্দেশ উঠাই লয়।
আদালতৰ উক্ত সিদ্ধান্তৰ ফলত ৩১ মাৰ্চ ২০২০ৰ পাছত বিক্ৰী হোৱা BS-IV বাহনৰ পঞ্জীয়নত নিষেধাজ্ঞা জাৰি হয়।
আদালতৰ নতুন নিৰ্দেশনা অনুসৰি এতিয়া লকডাউনৰ পূৰ্বে বিক্ৰী হোৱা বাহনসমূহৰ পঞ্জীয়নত অনুমতি দিয়া হৈছে।
