ভাৰতৰ উচ্চতম ন্যায়ালয়ে কাৰ্যনিৰ্বাহ কৰা ৩৩ গৰাকী ন্যায়াধীশৰ ভিতৰত ২১ গৰাকীৰ সম্পত্তিৰ সবিশেষ ৰাজহুৱা কৰি স্বচ্ছতাৰ দিশত এক বৃহৎ পদক্ষেপ গ্ৰহণ কৰে। ন্যায়পালিকাৰ ওপৰত জনসাধাৰণৰ আস্থা গঢ়ি তোলাৰ লক্ষ্যৰে আদালতে এই সিদ্ধান্ত গ্ৰহণ কৰিছে বুলি উল্লএখ কৰিছে। ন্যায়াধীশৰ বেংক একাউণ্ট, সম্পত্তি, আৰু বিনিয়োগৰ তথ্য আদালতে এই তথ্যসমূহ নিজৰ ৱেবছাইটত আপলোড কৰিছে। বাকী বিচাৰকসকলৰ সম্পত্তিৰ বিৱৰণ লাভ কৰাৰ লগে লগে যোগ কৰা হ’ব বুলি সদৰী কৰিছে।
প্ৰকাশিত তথ্য অনুসৰি মুখ্য ন্যায়াধীশ সঞ্জীৱ খান্নাৰ দক্ষিণ দিল্লীত তিনিটা বেডৰুমৰ ডিডিএ ফ্লেট আৰু গুৰুগ্ৰামত এটা ফ্লেটৰ ৫৬% অংশীদাৰিত্বৰ লগতে ডালহাউজিৰ ঘৰত ৪৪% অংশ আছে। তেওঁৰ অস্থাৱৰ সম্পত্তিৰ ভিতৰত আছে ৫৫.৭৫ লাখ টকাৰ এফডিআৰ, ৭৭.৮৯ লাখ টকাৰ পিপিএফ, আৰু ২৫০ গ্ৰাম সোণ। তেওঁৰ পত্নীৰ হাতত আছে ২৩.৮৭ লাখ টকাৰ এফডিআৰ, ১,৩৯,১৬,০০০ টকাৰ শ্বেয়াৰ, আৰু ৭০০ গ্ৰাম সোণ। স্থাৱৰ সম্পত্তিৰ মূল্য বাদ দি তেওঁৰ মুঠ অস্থাৱৰ সম্পত্তি প্ৰায় ১.৬৩ কোটি টকা সম্পত্তি অছে।
উচ্চতম ন্যায়ালয়ৰ লগতে উচ্চ ন্যায়ালয়ৰ ন্যায়াধীশৰ নিযুক্তিৰ সম্পূৰ্ণ প্ৰক্ৰিয়াৰ তথ্যও উচ্চতম ন্যায়ালয়ে প্ৰকাশ কৰিছে। ইয়াৰ ভিতৰত উচ্চ ন্যায়ালয়ৰ কলেজিয়াম, ৰাজ্য চৰকাৰ, ভাৰতীয় সংঘ, আৰু উচ্চতম ন্যায়ালয়ৰ কলেজিয়ামৰ ভূমিকাও অন্তৰ্ভুক্ত কৰিছে। এই পদক্ষেপে জনসাধাৰণক বিচাৰকসকলক কেনেকৈ নিৰ্বাচিত কৰা হয় সেই বিষয়ে বুজিবলৈ সহায় কৰাৰ লগতে ব্যৱস্থাটোৰ স্বচ্ছতা বৰ্তাই ৰাখিব বুলি উল্লেখ কৰিছে
এই স্বচ্ছতাৰ প্ৰচেষ্টা ২০২৫ চনৰ ১৩ মে’ত মুখ্য ন্যায়াধীশ সঞ্জীৱ খান্নাৰ অৱসৰৰ ঠিক আগতেই কৰা হৈছে। সম্পত্তিৰ সবিশেষ আৰু নিযুক্তি প্ৰক্ৰিয়াৰ প্ৰকাশ কৰি উচ্চতম ন্যায়ালয়ে জনসাধাৰণৰ আস্থা শক্তিশালী কৰাৰ লক্ষ্য ৰাখিছে। এই পদক্ষেপে ভাৰতত ন্যায়িক জবাবদিহিতাৰ বাবে এক নতুন মানদণ্ড নিৰ্ধাৰণ কৰে, ন্যায়পালিকাৰ স্বাধীনতাৰ সৈতে জনসচেতনতাৰ ভাৰসাম্য ৰক্ষা কৰিব বুলি আশা কৰা হৈছে।
