বৃহস্পতিবাৰে উচ্চতম ন্যায়ালয়ে আৰ জি গোচৰক লৈ ৰাজ্য আৰু কলকাতা আৰক্ষীক পুনৰ গৰিহণা দিয়ে। উচ্চতম ন্যায়ালয়ে ধৰ্ষণ-হত্যাৰ গোচৰ ৰুজু কৰা কলকাতা আৰক্ষী বিষয়াগৰাকীক পৰৱৰ্তী শুনানিৰ তাৰিখত আদালতত হাজিৰ হৈ সময়সূচী অৱগত কৰিবলৈ নিৰ্দেশ দিছে।
উচচতম ন্যায়ালয়ৰ এই সবিশেষক লৈ অতি অসন্তুষ্ট। আদালতে এই প্ৰশ্ন উত্থাপন কৰিলে, যিটো অতি কঠিন বিষয়, যে পুৱা ১০.১০ বজাত অস্বাভাৱিক মৃত্যুৰ গোচৰ ৰুজু কৰা হয়। অৱশ্যে নিশা অপৰাধস্থলী আৰু প্ৰমাণ জব্দ কৰা হয়।
ন্যায়াধীশ জে বি পাৰ্দিৱালাই ৰাজ্য চৰকাৰৰ হৈ হাজিৰ হোৱা অধিবক্তাসকলক ধমক দি কয় যে, “আপোনালোকৰ ৰাজ্যই সমগ্ৰ ঘটনাটোত যি ধৰণে কাম কৰিছে, মই মোৰ ৩০ বছৰীয়া আইনী কেৰিয়াৰত এনেকুৱা কাম কেতিয়াও দেখা নাই।”
পুৱা ৫:২০ বজাত এখন আৰক্ষীৰ ডায়েৰী তৈয়াৰ কৰা হয় বুলি আদালতে জানিবলৈ দিয়ে। চিকিৎসালয়খনে ১০:১০ বজাত আৰক্ষীক খবৰ দিয়ে। তাত লিখা আছিল যে এগৰাকী মহিলাক অৰ্ধনগ্ন অৱস্থাত উদ্ধাৰ কৰা হৈছে। মেডিকেল ব’ৰ্ডে নিশ্চিত কৰে যে এয়া ধৰ্ষণৰ গোচৰ। আৰু সৰ্বোপৰি মৰণোত্তৰ পৰীক্ষাৰ পাছত অপৰাধস্থলীক ঘেৰি ৰখা আৰক্ষী। গতিকে কি হৈ আছিল?
উচ্চতম ন্যায়ালয়ত ষ্টেটাছ ৰিপৰ্ট দাখিল কৰা চিবিআইৰ অধিবক্তাগৰাকীয়ে কয় যে ভুক্তভোগীৰ মৃতদেহ দাহ কৰাৰ পাছতে এফআইআৰ দাখিল কৰা হৈছে। অৰ্থাৎ সমগ্ৰ ঘটনাটো ঢাকিবলৈ চেষ্টা কৰা হৈছে। চিবিআইৰ আৰু এটা বক্তব্য আছিল যে ঘটনাৰ পাঁচ দিনৰ পাছত আমি তদন্তকাৰী দলটোৰ কাম হাতত লৈছিলোঁ। মাজতে সকলো সলনি হৈ গৈছে।
