মহামাৰী ৰোধত ব্যৰ্থ চৰকাৰ; ক’ৰ’ণাক্ৰান্তৰ সংখ্যা গোপন কৰাৰ অভিযোগ কংগ্ৰেছ নেত্ৰী প্ৰিয়ংকাৰ গান্ধীৰ
উত্তৰ প্ৰদেশ চৰকাৰক কোভিড-১৯ৰ সংক্ৰমণ ৰোধ কৰাত ব্যৰ্থ হোৱা বুলি সমালোচনা কৰিছে কংগ্ৰেছ নেত্ৰী প্ৰিয়ংকা গান্ধীয়ে।
কংগ্ৰেছ নেত্ৰী প্ৰিয়ংকা গান্ধী ভাদ্ৰাই উত্তৰ প্ৰদেশ চৰকাৰক কৰোনা ভাইৰাছৰ সংক্ৰমণ প্ৰতিহত কৰিবলৈ দৃঢ় পদক্ষেপ ল’বলৈ দাবী জনাই দৃঢ়তাৰে কয় যে চৰকাৰে এই ব্যৰ্থতা লুকুৱাই ৰাখিবলৈ যিদৰে সময় আৰু সম্পদ বিনিয়োগৰ চেষ্টা কৰিছে তাত ‘নিষ্ফল’ হৈছে চৰকাৰ।
নিজৰ টুইটাৰত একাউন্টত এক টুইট কৰি প্ৰিয়ংকা গান্ধীয়ে কয় যে,“উত্তৰ প্ৰদেশ চৰকাৰলৈ এটা অনুৰোধ আছে; সময়, সম্পদ আৰু শক্তি বিনিয়োগ কৰি তথ্য লুকুৱাবলৈ চেষ্টা কৰাতো বৃথা, এই মহামাৰীক প্ৰতিৰোধ কৰক।”
প্ৰিয়ংকাৰ গান্ধীৰ মতে দৃঢ় পদক্ষেপেহে মহামাৰীৰ ৰোধ কৰাৰ লগতে মানুহৰ জীৱন ৰক্ষা কৰিব পাৰিব।
স্মৰ্তব্য যে বুধবাৰে কংগ্ৰেছ নেত্ৰী প্ৰিয়ংকা গান্ধীয়ে উত্তৰ প্ৰদেশ চৰকাৰে কৰোনা ভাইৰাছত আক্ৰান্ত লোকৰ সংখ্যা লুকুৱাইছে বুলি গুৰুতৰ অভিযোগ কৰিছিল।
প্ৰিয়ংকা গান্ধীৰ মতে চৰকাৰে প্ৰথম দিনাৰ পৰাই সচেতন হোৱা হ’লে মানুহ এনে সময়ৰ সাক্ষী নহ’লহেঁতেন।
