দক্ষিণ ভাৰতৰ ৰাজ্য তেলেংগানাত আজি অসমৰ মুখ্যমন্ত্ৰী হিমন্ত বিশ্ব শৰ্মাই অগ্নিবৰ্ষী ভাষণ দিয়ে। শেহতীয়াকৈ তেলেংগানা চৰকাৰে গ্ৰহণ কৰা জিঅ’ ৩৭১ ৰ বিৰোধিতা কৰিবলৈ আজি তেলেংগানাত উপস্থিত হয় অসমৰ মুখ্যমন্ত্ৰী তথা বিজেপি নেতা হিমন্ত বিশ্ব শৰ্মা।
তেলেংগানাৰ ৱাৰাংগলৰ বিষ্ণুপ্ৰিয়া বাগিচাত অনুষ্ঠিত সভাত ভাষণ দি অসমৰ মুখ্যমন্ত্ৰী হিমন্ত বিশ্ব শৰ্মাই ৱাৰাংগলৰ এখন জনসভাত ভাষণ দি কয় যে নিজামৰ উত্তৰাধিকাৰী প্ৰথা একেবাৰে নোহোৱা হৈ পৰিব আৰু নিজাম তথা ৱাইচিৰ নাম মচ খাই যাব।
শৰ্মাই কয়, “যিধৰণে অনুচ্ছেদ ৩৭০ বাতিল কৰা হৈছিল, ৰাম মন্দিৰৰ নিৰ্মাণ আৰম্ভ হৈছিল… ইয়াতো নিজামৰ নাম, ৱাইচিৰ নাম লিখা হ’ব… সেই দিনলৈ আৰু বেছি দিন নাই।” তেওঁ লগতে কয় —’ ভাৰতে কেতিয়াও তেনে লোকক গ্ৰহণ নককৰে যিসকল ছদ্মৱেশী ধৰ্মনিৰপেক্ষতা আৰু সাম্প্ৰদায়িক ৰাজনীতি কৰে। ভাৰতৰ ইতিহাসত কোৱা হৈছে যে বাবৰ, ঔৰঙ্গজেৱ আৰু নিজামে বেছি দিন জীয়াই থাকিব নোৱাৰে। মই নিশ্চিত যে নিজামৰ উত্তৰাধিকাৰী প্ৰথা সম্পূৰ্ণৰূপে স্তব্ধ হ’ব আৰু ভাৰতীয় সভ্যতাৰ ওপৰত আধাৰিত এক নতুন সংস্কৃতিৰ উদ্ভৱ হ’ব ‘।
উল্লেখ্য তেলেংগানাৰ চৰকাৰে শেহতীয়াকৈ কৰ্মচাৰী বিৰোধী জিঅ’ ৩৭১ নীতি গ্ৰহণ কৰিছে। এই নীতিৰ বিৰোধিতা কৰিবলৈয়েই কেন্দ্ৰীয় নেতৃত্বৰ নিৰ্দেশত হিমন্ত বিশ্ব শৰ্মাই আজি তেলেংগানাৰ জনসভা খনত ভাগ লয়।
জিঅ’ ৩৭১ ৰ বিৰুদ্ধে ৰাজ্য খনৰ প্ৰতিবাদকাৰী কৰ্মচাৰীসকলে অভিযোগ কৰিছে যে তেলেংগানা চৰকাৰে তেওঁলোকৰ পৰামৰ্শ অবিহনে নতুন ব্যৱস্থা অনুসৰি চাকৰি আৱণ্টন আৰু স্থানান্তৰ সন্দৰ্ভত আমূল পৰিৱৰ্তন আনিব বিচাৰিছে।
২০২১ চনৰ ৬ ডিচেম্বৰত প্ৰৱৰ্তন কৰা চৰকাৰী আদেশ (জিঅ’) ৩১৭ প্ৰত্যাহাৰ কৰিবলৈ ৰাজ্য চৰকাৰক দাবী জনাই যোৱা কেইদিনমানধৰি তেলেংগানাত প্ৰতিবাদ চলি আছে। তেলেংগানাত এক নিৰ্দিষ্ট অঞ্চলক সামৰি নিযুক্তি , বদলি আদি কৰিবলৈ এক আঞ্চলিক প্ৰণালী প্ৰৱৰ্তন কৰা হৈছে। ২০১৬ চনত ১০ খনৰ পৰা ৩১ খন নতুন জিলা হোৱা তেলেংগানা পুনৰ সংগঠিত হোৱাৰ পিছত নতুন ব্যৱস্থাটো প্ৰস্তুত কৰা হৈছিল আৰু আচিফাবাদ, ভুপালাপল্লী, মানচেৰিয়াল আদিৰ দৰে নতুন জিলা সৃষ্টি কৰা হৈছিল।
জিঅ’ ৩৭১ৰ মতে, জিলা উপায়ুক্ত আৰু সেই জিলাৰ বিভাগীয় সংশ্লিষ্ট মুৰব্বী চাকৰি আৰু বদলিৰ সিদ্ধান্ত লোৱা আৱণ্টন সমিতিৰ অংশ হ’ব। আঞ্চলিক চাকৰি আৰু বদলিৰ সিদ্ধান্ত সিদ্ধান্ত প্ৰধান সচিব, বিশেষ মুখ্য সচিব, বিভাগৰ মুৰব্বী আৰু পৰিচালনাকৰ্মীসকলৰ জ্যেষ্ঠ পৰামৰ্শদাতাৰ ওপৰত নিৰ্ভৰ কৰিব । কৰ্মচাৰীসকলৰ লগতে বিজেপিয়েও এনে ব্যৱস্থাৰ বিৰোধিতা কৰি আহিছে।
