ইতিমধ্যে চীনৰ ৰাষ্ট্ৰপতি জি জিনপিঙৰ চৰকাৰে উইঘুৰ মুছলমানসকলক “সন্দেহজনক” বুলি চিনাক্ত কৰিছিল।যাৰ বাবে থাইলেণ্ড চৰকাৰক প্ৰত্যাৰ্পণৰ বাবে বাৰে বাৰে হেঁচা প্ৰয়োগ কৰা হৈছিল। অৱশেষত সেই হেঁচাত নতশিৰ হৈ যোৱা দশক ধৰি বেংককত থকা উইঘুৰ মুছলমানসকলক চীনলৈ ঘূৰাই পঠোৱাৰ প্ৰক্ৰিয়া আৰম্ভ হ’ল।
বিবিচিৰ এক প্ৰতিবেদন অনুসৰি ২০১৫ চনৰ পাছত থাইলেণ্ডে প্ৰথমবাৰৰ বাবে উইঘুৰ প্ৰব্ৰজনকাৰীক চীনলৈ ঘূৰাই পঠিয়াইছে। ইতিমধ্যে থাইলেণ্ড চৰকাৰে মানৱ অধিকাৰ সংগঠনৰ আপত্তিক আওকাণ কৰি কমেও ৪০ জন উইঘুৰক চীনলৈ ঘূৰাই পঠিয়াইছে। চীনত তেওঁলোকক নিৰ্যাতনৰ বলি হ’ব পাৰে বুলি আশংকা কৰা হৈছে।
উল্লেখ্য যে, ১৯৪০ চনত একদলীয় চীনৰ কমিউনিষ্ট শাসক মাও চেডুঙে পূব তুৰ্কেস্তানৰ স্বাধীন ৰাষ্ট্ৰ দখল কৰি জিনজিয়াং প্ৰদেশৰ সৃষ্টি কৰে। ইয়াৰ পাছত উইঘুৰ মুছলমানসকলে প্ৰতিৰোধ সংগ্ৰাম আৰম্ভ কৰে। ইয়াৰ লগে লগে চীনা সেনাৰ অত্যাচাৰ আৰম্ভ হ’ল। ইয়াৰ উপৰিও মূল চীনৰ পৰা মূলতঃ হান লোকক আনি জিনজিয়াঙৰ জনগাঁথনিগত ভাৰসাম্য সলনি কৰাৰ চেষ্টাও কৰা হৈছিল। অভিযোগ অনুসৰি বিগত ষোল্ল দশকত চীন সেনাই সংঘটিত কৰা অত্যাচাৰৰ বাবে জিনজিয়াঙত দেশৰ লাখ লাখ মুছলমান পুত্ৰ নিহত হৈছে।
বিগত কেইবছৰমানৰ পৰা জিনজিয়াঙৰ বিভিন্ন ডিটেনচন কেম্পত ১০ লাখৰো অধিক উইঘুৰ আৰু তুৰ্কী ভাষী মুছলমানক ৰখাৰ অভিযোগ উত্থাপন হৈছে। বলপূৰ্বক ধৰ্মীয় আচাৰ-ব্যৱহাৰ ত্যাগ কৰিবলৈ বাধ্য কৰা হৈছে। ৰাষ্ট্ৰসংঘৰ মানৱ অধিকাৰ আয়োগৰ একাধিক প্ৰতিবেদনে চীনৰ ৰাষ্ট্ৰপতি ছি জিনপিঙৰ চৰকাৰকো উইঘুৰসকলক আটক কৰাৰ বাবে লক্ষ্য কৰি লৈছে। কেইবছৰমান আগতে পশ্চিমীয়া সংবাদ মাধ্যমত প্ৰকাশিত এক প্ৰতিবেদনত প্ৰকাশ পাইছিল যে চীনৰ কনচেনট্ৰেচন কেম্পত বন্দী হৈ থকা দুৰ্ভগীয়া উইঘুৰ মুছলমানসকলৰ হাতত আন্তঃৰাষ্ট্ৰীয় অবৈধ বজাৰত বিক্ৰী হোৱা বৃক্ক, যকৃত আৰু অন্যান্য মানৱ অংগৰ বৃহৎ অংশ আছিল! বেইজিঙে বলপূৰ্বকভাৱে তেওঁলোকৰ অংগ কাটি বিক্ৰী কৰিছে!
