আপোনাৰ যদি ইনষ্টাগ্ৰাম আৰু ফেচবুকত (Facebook-Instagram) একাউণ্ট আছে তেন্তে সাৱধান হওক। আপোনাৰ একাউণ্ট ডিলিট হ’ব পাৰে। খবৰ অনুসৰি, ভাৰত চৰকাৰে বহু একাউণ্ট ডিলিট কৰিব পাৰে।
দীৰ্ঘদিন ধৰি বন্ধ হৈ থকা একাউণ্টসমূহ আঁতৰোৱাৰ পৰিকল্পনা কৰিছে চৰকাৰে। একেৰাহে ৩ বছৰ বন্ধ হৈ থকা একাউণ্টসমূহ সম্পূৰ্ণৰূপে ডিলিট কৰা হ’ব। যদি ব্যৱহাৰকাৰীয়ে তিনি বছৰ বা তাতকৈ অধিক সময় ধৰি এবাৰো নিজৰ একাউণ্ট ব্যৱহাৰ কৰা নাই তেন্তে তাৰ বিৰুদ্ধে ব্যৱস্থা গ্ৰহণ কৰা হ’ব।
এইটো ডিপিডিপি আইন (ডিজিটেল পাৰ্চনেল ডাটা প্ৰটেকচন এক্ট)ৰ অংশ। অৱশ্যে আগষ্ট মাহতে এই নিয়ম প্ৰণয়ন কৰা হৈছিল। এতিয়া এই সন্দৰ্ভত ব্যৱস্থা গ্ৰহণৰ পৰিকল্পনা কৰা হৈছে।
লগতে পঢ়কঃ সন্মুখত নিৰ্বাচন! মোডীৰ উপহাৰ, পেট্ৰল-ডিজেলৰ দাম ৮ৰ পৰা ১০ টকালৈ হ্ৰাস পাব?
এই নিয়ম বিশেষভাৱে ছ’চিয়েল মিডিয়াৰ বাবে প্ৰস্তুত কৰা হৈছে। এই নিয়ম ইকমাৰ্চ কোম্পানী, গেমিং কোম্পানী, অনলাইন মাৰ্কেটপ্লেচ আৰু সকলো ছ’চিয়েল মিডিয়া প্লেটফৰ্মত প্ৰযোজ্য হ’ব পাৰে।
ডিপিডিপি আইনত ব্যৱহাৰকাৰীৰ তথ্য সুৰক্ষাৰ সৈতে জড়িত কেইবাটাও বিধি অন্তৰ্ভুক্ত কৰা হৈছে।
আগষ্ট মাহত প্ৰকাশিত এখন আইন কাৰ্যকৰী কৰিবলৈ সৰ্বাধিক ২৫টা নিয়মৰ সৃষ্টি কৰিব লাগিব। ইয়াৰ বাবে চৰকাৰৰ যিকোনো নিয়ম বনোৱাৰ অধিকাৰ আছে। ইয়াৰে এটা নিয়ম হ’ল শিশুৰ বয়স পৰীক্ষা কৰাৰ নিয়ম। ইয়াৰ জৰিয়তে ছ’চিয়েল মিডিয়াত শিশুৱে কি চাব পাৰে আৰু কি চাব নোৱাৰে সেইটো নিৰ্ণয় কৰিব পাৰিব।
লগতে পঢ়কঃ দশম শ্ৰেণীৰ ছাত্ৰৰ সৈতে শিক্ষয়িত্ৰীৰ ৰোমাঞ্চৰ অন্তৰংগ ছবি ভাইৰেল; ব্যৱস্থা গ্ৰহণৰ দাবী অভিভাৱকৰ
এই নিয়ম অনুসৰি ১৮ বছৰৰ তলৰ ব্যৱহাৰকাৰীয়ে ইনষ্টাগ্ৰাম-ফেচবুকৰ দৰে প্লেটফৰ্ম ব্যৱহাৰ কৰিবলৈ অনুমতি ল’ব লাগিব। এই অনুমতি আন কাৰো পৰা নহয়, প্লেটফৰ্মটোৱে নিজেই শিশুটিৰ পিতৃ-মাতৃৰ পৰা ল’ব। কিন্তু এই প্ৰক্ৰিয়াটো সংস্থাসমূহৰ বাবে কিছু অসুবিধাজনক হ’ব পাৰে। বৰ্তমান বয়স পৰীক্ষণ পদ্ধতি এই আইনত প্ৰকাশ কৰা হোৱা নাই।
