কেন্দ্ৰীয় ৰাজ্যিক গৃহ মন্ত্ৰী কিৰেন ৰিজেজুক কঢ়িয়াই নিয়া হেলিকক্টাৰৰখন পশ্চিম কামেং জিলাৰ ভালুকপুং আৰু তিপ্পিৰ মাজত জৰুৰীভাৱে অৱতৰণ কৰিবলগীয়া হয়।
বেয়া বতৰৰ বাবে কেন্দ্ৰীয় গৃহ মন্ত্ৰীগৰাকীক কঢ়িয়াই নিয়া হেলিকপ্টাৰখন জৰুৰীভাৱে অৱতৰণ কৰিবলগীয়া হয় বুলি জানিব পৰা গৈছে।
ঘটনাটো সংঘটিত হোৱাৰ কেইঘণ্টামানৰ পাছত গৃহ মন্ত্ৰীগৰাকীয়ে নিজেই সেই কথাখিনি টুইটাহৰৰ যোগে প্ৰকাশ কৰিছে।
অৱশ্যে ঘটনাটো সংঘটিত হোৱাৰ প্ৰায় লগে লগেই জিলা প্ৰশাসনৰ লোক ভালুকপুং আৰু তিপ্পিৰ মাজত হেলিকপ্টাৰখন অৱতৰণ কৰোৱা নাগ মন্দিৰ দলঙৰ ওচৰত উপস্থিত হয়গৈ।
দুৰ্যোগ সংঘটিত হোৱা এলেকাটোত তেওঁলৈ বাহন আৰু আন আন প্ৰয়োজনীয় সহায়তা আগবঢ়োৱাৰ বাবে নিজৰ আনুষ্ঠানিক টুইটাৰ একাউণ্টৰ পৰা ৰিজেজুৱে তেওঁৰ পুৰণি বন্ধু আৰু শুভাকাংক্ষীসকলৰ ওচৰত কৃতজ্ঞতা জ্ঞাপন কৰে।
উল্লেখ যে কেন্দ্ৰীয় গৃহ মন্ত্ৰীগৰাকীয়ে পশ্চিম কামেঙত অনুষ্ঠিত এটা স্থানীয় উৎসৱত যোগদান কৰাৰ বাবে গৈ আছিল।
উল্লেখ্য যে কেন্দ্ৰীয় ৰাজ্যিক গৃহ মন্ত্ৰীগৰাকীক কঢ়িয়াই নিয়া হেলিকপ্টাৰ বহু বাৰ বেয়া বতৰৰ বাবে জৰুৰীভাৱে অৱতৰণ কৰাবলগীয়া হৈছিল।
ইয়াৰ পূৰ্বেও যোৱা বছৰ আৰু ২০১৬ চনত ৰিজেজুক কঢ়িয়াই নি.আ হেলিকপ্টাৰ বেয়া বতৰৰ বাবে জৰুৰীভাৱে অৱতৰণ কৰাবলগীয়া হৈছিল।
বিগত বৰ্ষৰ ৪ জুলাইত কেন্দ্ৰীয় ৰাজ্যিক গংহ মন্ত্ৰীগৰাকীক কঢ়িয়াই নিয়া ভাৰতীয় বায়ুসেনাৰ এখন এমআই-১৭ হেলিকপ্টাৰ ইটানগৰৰ পলিটেকনিক মহাবিদ্যালয়ৰ এখন ক্ষুদ্ৰ খেল-পথাৰত জৰুৰীভাৱে অৱতৰণ কৰাবলগীয়া হৈছিল।
২০১৬ৰ ২৩ এপ্ৰিলতো অৰুণাচলৰ পৰা ৰিজেজুক কঢ়িয়াই নিয়া হেলিকপ্টাৰখন বেয়া বতৰৰ বাবে টাৱাঙত জৰুৰীভাৱে ্ৱতৰণ কৰাবলগীয়া হৈছিল।
