ৰাজ্যখনত কৰ’না ভাইৰাছৰ সংক্ৰমণ বৃদ্ধি পাই অহাৰ মাজতে এইবাৰ কৰ’নাত আক্ৰান্ত হ’ল কামৰূপ (গ্ৰাম্য) জিলাৰ উপায়ুক্ত কৈলাশ কাৰ্থিক এন।
ৰাজ্যখনত বিধানসভা নির্বাচনৰ তৃতীয় পৰ্যায়ৰ ভোট গ্ৰহণৰ পাছতে হঠাৎ শাৰীৰিকভাৱে দুৰ্বল হৈ পৰিছিল উপায়ুক্ত গৰাকী।
ইয়াৰ পাছতে উপায়ুক্তৰাকীয়ে কৰ’না টেষ্ট কৰাত তেওঁৰ দেহত কৰ’না ভাইৰাছৰ অৱস্থিতি ধৰা পৰে।
বৰ্তমান উপায়ুক্ত গৰাকীক হোম আইছ’লেশ্যনত আছে। ‘প্ৰতিদিন টাইম’ৰ বাতৰিত এইকথা প্ৰকাশ পাইছে।
ইপিনে, ৰাজ্যখনত ক’ৰনাৰ সংক্ৰমণৰ গতি উদ্বেগজনকভাৱে বৃদ্ধি পাবলৈ লৈছে। কৰ’নাৰ দ্বিতীয়টো ঢৌ আৰম্ভ হোৱা ৰাজ্যখনত দেওবাৰে নতুনকৈ ৩৫২ গৰাকী লোক কৰ’নাত আক্ৰান্ত হৈছে।
আনহাতে, ৰাজ্যখনত কৰ’নাত এগৰাকী লোকৰ মৃত্যু হৈছে। দেওবাৰৰ দিনটোত অকল কামৰূপ মহানগৰ জিলাতে কৰ’নাত আক্ৰান্ত হৈছে ১৮৬ গৰাকী লোক।
ৰাজ্যখনত এতিয়া সক্ৰিয় কৰ’না ৰোগীৰ সংখ্যা হৈছে ১,৯০২গৰাকী।