ৰাজ্যখনৰ মুখ্যমন্ত্ৰী হিচাপে দায়িত্ব গ্ৰহণ কৰাৰ পাছত ড০ হিমন্ত বিশ্ব শৰ্মাই বিভিন্ন শ্ৰেণীৰ প্ৰশাসনিক বিষয়া, শীৰ্ষ আৰক্ষী বিষয়াৰ লগতে আন আন দল-সংগঠনৰ সৈতে পৰ্যায়ক্ৰমে বৈঠকত মিলিত হৈছে।
গৃহমন্ত্ৰীৰো দায়িত্বত থকা মুখ্যমন্ত্ৰী শৰ্মাই কাৰ্যভাৰ গ্ৰহণৰ পাছতেই আৰক্ষী বিভাগত ব্যাপক ৰদ-বদল কৰিছে।
আনকি প্ৰথমবাৰৰ বাবে এগৰাকী ভাৰতীয় আৰক্ষী সেৱাৰ বিষয়াক গৃহ সচিবৰ দায়িত্ব দিয়া হৈছে।
এইবাৰ মুখ্যমন্ত্ৰীৰ অধ্যক্ষতাত ৰাজ্যখনৰ আৰক্ষী সঞ্চালক প্ৰধানৰ বিভিন্ন থানাৰ ভাৰপ্ৰাপ্ত বিষয়াসকলৰ সৈতে এক বৈঠক অনুষ্ঠিত হৈছে।
প্ৰথমবাৰৰ বাবে এইদৰে অনুষ্ঠিত হোৱা বৈঠকৰ কথা সদৰী কৰিছে আৰক্ষী সঞ্চালক প্ৰধান ভাস্কৰজ্যোতি মহন্তই।
In another First, under the Chairmanship of Hon. CM @himantabiswa the first ever Conference of Officers-in-Charge of Police Stations of Assam, is going to be under way very soon.@CMOfficeAssam @assampolice @mygovassam #ConferenceOCs2021#Guwahati pic.twitter.com/VeFHJMa25H
— DGP Assam (@DGPAssamPolice) July 5, 2021
আজি কলাক্ষেত্ৰত আৰম্ভ হোৱা এই বৈঠকত ৰাজ্যখনৰ আইন-শৃংখলা পৰিস্থিতিৰ লগতে ক’ভিডসৃষ্ট পৰিস্থিতিত গ্ৰহণ কৰিবলগীয়া ভূমিকাৰ বিষয়েও আলোচনা কৰাৰ সম্ভাৱনা আছে।
তদুপৰি, শেহতীয়াকৈ ৰাজ্যখনত চলি থকা ড্ৰাগছ বিৰোধী অভিযান, ধৰ্ষণ-হত্যাৰ ঘটনা বৃদ্ধি আদি বিষয়ো বৈঠকত পৰ্যালোচনা কৰাৰ আশা কৰা হৈছে।