মেজৰ লিটুল গগৈৰ বিৰুদ্ধে শ্ৰীনগৰ আৰক্ষীয়ে চলাই থকা সুৰুঙাযুক্ত তদন্তৰ বাবে আদালতৰ ৰোষৰ সন্মুখীন হ’ব লগীয়া হৈছে।
উল্লেখযোগ্য যে মেজৰ গগৈয়ে যোৱা মে’ মাহত শ্ৰীনগৰৰ এখন হোটেলত এগৰাকী স্থানীয় যুৱতীৰ সৈতে প্ৰৱেশ কৰিবলৈ বিচাৰোতে বিবাদৰ সৃষ্টি হৈছিল। আৰু সেই সময়তে আৰক্ষীয়ে মেজৰ লিটুল গগৈক আৰক্ষীয়ে আটক কৰিছিল।
আৰু এই ঘনটনাৰ তদন্ত কৰিছিল শ্ৰীনগৰৰ আৰক্ষীয়ে। কিন্তু শ্ৰীনগৰ আৰক্ষীৰ তদন্তত সন্তুষ্ট নোহোৱাত ইয়াৰ মুখ্য মহানগৰীয় দণ্ডাধীশ আদালতে সবিশেষ তদন্ত কৰি বিস্তৃত প্ৰতিবেদন অহা ১৮ ছেপ্টেম্বৰৰ ভিতৰত দাখিল কৰিবলৈ আৰক্ষীক নিৰ্দেশ দিয়ে।
মন কৰিব লগীয়া যে এই সন্দৰ্ভত আদালতে কয় যে উক্ত ঘটনাৰ প্ৰকৃত তথ্যৰ অনুসন্ধান নকৰাকৈয়ে আৰক্ষীয়ে অতি দায়িত্বজ্ঞানহীনভাৱে তদন্ত কৰিছিল।
তাৰোপৰি আদালতে এই ঘটনাৰ সঠিকভাৱে তদন্ত কৰিবলৈ আৰক্ষীক নিৰ্দেশ দিয়ে। ইণ্টাৰনেশ্যনেল ফ’ৰাম ফৰ জাষ্টিচ এণ্ড হিউমেন ৰাইটছৰ মুৰব্বী মহম্মদ এহছান উণ্টুৱে দাখিল কৰা আবেদনৰ শুনানি লৈ মুখ্য ন্যায়িক দণ্ডাধীশৰ আদালতে খানয়াৰ আৰক্ষী চকীৰ ভাৰপ্ৰাপ্ত বিষয়াক এই ঘটনাৰ বিস্তৃত প্ৰতিবেদন অহা ১৮ ছেপ্টেম্বৰৰ ভিতৰত দাখিলৰ নিৰ্দেশ দিয়ে।
আনহাতে সেনাৰ বিষয়াজনে এগৰাকী মহিলাৰ সৈতে হোটেললৈ কিয় গৈছিল আৰু তেওঁৰ লগত থকা সেনাৰ জোৱান সমীৰ মাল্লাৰ ইয়াত কেনেধৰণৰ ভূমিকা আছিল তাৰ ওপৰতো আৰক্ষীয়ে প্ৰকৃত অনুসন্ধান কৰা নাছিল বুলি আদালতে কয়।
ইফালে মেজৰ গগৈয়ে উবেদ উছমানিৰ নামত অপল’ড কৰি ইয়াৰ জৰিয়তে ভুৱা ফেচবুক খুলিছিল। আৰু আদালতে এই সম্পৰ্কতো তথ্য প্ৰযুক্তি আইনৰ অধীনত তদন্তৰ প্ৰয়োজন বুলি কয়।