৫ অক্টোবৰত মুক্তিৰ বাবে সাজু হৈছে জুবিন গাৰ্গৰ বিগ বাজেটৰ নৱতম অসমীয়া চিনেমা ‘দ্যা আণ্ডাৰৱৰ্ল্ড’।
ৰাগা ফিল্মছৰ হৈ নাজিম হামিদে প্ৰযোজনা কৰা চিনে’মাখনৰ কাহিনী, চিত্ৰনাট্য আৰু পৰিচালনা কৰিছে ৰাজেশ যশপালে। ‘গানে কি আনে’ নামৰ ছবিখনৰ সফলতাৰ পিছতে ৰাজেশ যশপালৰ এইখন হৈছে দ্বিতীয় অসমীয়া ছবি।
উল্লেখযোগ্য যে বলিউদৰ প্ৰখ্যাত পৰিৱেশনা গোষ্ঠী Eros Internationalএ এই চিনেমাখনৰ পৰিৱেশনৰ দায়িত্ব লৈ প্ৰথম বাৰৰ বাবে অসমীয়া ছবিজগতত প্ৰৱেশ কৰিছে।
চিনেমাখনত অগতানুগতিক চৰিত্ৰ আৰু অগতানুগতিক বেশ-ভূষাত দেখা গৈছে হাৰ্ট থ্ৰ’ৱ জুবিন গাৰ্গক। গাৰ্গৰ উপৰি প্ৰয়াত অভিনেতা বিজু ফুকন, নিপন গোস্বামী, দীনেশ দাস, কিংকিনি, উৎপল দাস, বাহাৰুল ইছলাম আদি অভিনেতায়ো চিনে’মাখনত অভিনয় কৰিছে।
আনহাতে প্ৰয়াত বিজু ফুকন অভিনীত এই ‘দ্যা আণ্ডাৰৱৰ্ল্ড’ ছবিখনেই হৈছে তেওঁৰ জীৱনৰ অন্তিমখন ছবি লগতে জুবিন গাৰ্গৰো বিজু ফুকনৰো লগত অভিনীত অন্তিমখন ছবি।
