মাৰ্কিন তৰুণীৰ দাবী : ৰাষ্ট্ৰপতিৰ ভৱনতে তেওঁক ধৰ্ষণ কৰিছিল প্রাক্তন পাক গৃহ মন্ত্ৰীয়ে

পাকিস্তানৰ এজন প্ৰাক্তন মন্ত্ৰীৰ বিৰুদ্ধে এক গুৰুতৰ অভিযোগ উত্থাপন কৰিছে এগৰাকী মাৰ্কিন তৰুণীয়ে।

ছুন্থিয়া ডি ৰিচি নামৰ তৰুণী মাৰ্কিন সাংবাদিক গৰাকীয়ে ইছলামাবাদৰ ৰাষ্ট্ৰপতি  ভৱনত পাকিস্তানৰ প্ৰাক্তন গৃহমন্ত্ৰী ৰহমান মাল্লিকে ধৰ্ষণ কৰাৰ অভিযুক্ত উত্থাপন কৰিছে।

উল্লেখ্য যে পাকিস্তানৰ ইউছুফ ৰাজা গিলানী চৰকাৰৰ গৃহমন্ত্ৰী আছিল ৰহমান মাল্লিক।

মাৰ্কিন তৰুণী সাংবাদিক গৰাকীয়ে আনকি প্ৰাক্তন প্ৰধানমন্ত্ৰী ইউছুফ ৰাজা গিলানীয়েও তেওঁৰ শৰীৰত হাত দিয়া বুলি দাবী কৰিছে।

মাৰ্কিন সাংবাদিক ছিন্থিয়াই দাবী কৰিছে যে এই অভিযোগৰ সপক্ষে তথ্য প্ৰমাণ দিবলৈ তেওঁ সাজু আছে।

পাকিস্তানৰ প্ৰধানমন্ত্ৰী ইমৰাণ খানৰ ঘনিষ্ঠ বুলি পৰিচিত ছিন্থিয়াই পাকিস্তানৰ আভ্যন্তৰীণ ৰাজনীতিত প্ৰৱেশ কৰাৰ আগ্ৰহ প্ৰকাশ কৰা বুলিও জানিব পৰা গৈছে।

শুকুৰবাৰে ফেইচবুক লাইভত পাকিস্তান পিপল পাৰ্টি(পিপিপি)ৰ বিৰুদ্ধে একাধিক অভিযোগ উত্থাপন কৰি ছিন্থিয়াইন কয় যে, ‘২০১১ বৰ্ষত পাকিস্তানৰ প্ৰাক্তন গৃহমন্ত্ৰী ৰহমান মাল্লিকে মোক ধৰ্ষণ কৰিছিল। ঠিকেই শুনিছে। আৰু এবাৰ কৈছো, ৰহমান মাল্লিকে মোক ধৰ্ষণ কৰিছিল।’
https://www.facebook.com/cynthiadritchie/videos/3012638535481275/?t=8
উল্লেখ্য যে ২০১১ চনত পাকিস্তানত মাৰ্কিন সেনাই অভিযান চলাই ওছামা বিন লাডেনক হত্যা কৰিছিল। সেই সময়ত ভিছা সংক্ৰান্তীয় বিষয়ত ছিন্থিয়াই তদানীন্তন পাক গৃহমন্ত্ৰী ৰহমান মাল্লিক সাক্ষাৎ কৰিছিল।

আৰু তেতিয়াই পানীয়ত টোপনিৰ ঔষধ মিহলাই ছিন্থিয়াক খাবলৈ দিয়া হৈছিল আৰু তাৰ পিছত প্ৰাক্তন পাক গৃহমন্ত্ৰী গৰাকীয়ে তেওঁক ধৰ্ষণ কৰা বুলি দাবী কৰিছে ছিন্থিয়াই।

সেই সময়ত পাকিস্তানত পিপিপিএৰ চৰকাৰ থকাত তেওঁক সহায় কৰাৰ বাবে কোনো লোক নাছিল বাবেই মুখ খোলা নাছিল বুলি ছিন্থিয়াই মন্তব্য কৰিছে।

ইফালে ছিন্থিয়াৰ দাবী নস্যাৎ কৰিছে প্ৰাক্তন পাক গৃহমন্ত্ৰী ৰহমান মাল্লিকে। শনিবাৰে এক বিবৃতিত ৰহমান মুখপাত্ৰই কয়, ‘এই সংক্ৰান্তত ৰহমান মাল্লিকে কোনো মন্তব্য দিব খোজা নাই। কিন্তু এই সমস্ত অভিযোগ তেওঁ অস্বীকাৰ কৰিছে। এই অভিযোগৰ কোনো সত্যতা নাই। ৰহমান মাল্লিকৰ ভাৱমূৰ্তি নষ্ট কৰাৰ বাবে এক বিশেষ ব্যক্তি ও সংগঠনৰ নিৰ্দেশত মাৰ্কিন যুৱতীগৰাকীয়ে এই কাম কৰিছে।’

ইফালে ছিন্থিয়াই কৰা দাবীক প্ৰাক্তন পাক প্ৰধানমন্ত্ৰী ইউছুফ ৰাজা গিলানীয়েও অস্বীকাৰ কৰিছে।

উল্লেখ্য যে ইতিমধ্যে এজন পাকিস্তানী লোকৰ সৈতে বাকদান সম্পন্ন হোৱা ছিন্থিয়াই ভাৱী স্বামীয়ে এই কথা জনা উচিত বুলি জনাই এই কথা ফাদিল কৰা বুলি মন্তব্য কৰিছে।

আনহাতে ২০০৯ চনত এগৰাকী পৰ্যটক হিচাপে পাকিস্তানত প্ৰৱেশ কৰা ছিন্থিয়া ডি ৰিচিয়ে অলপ দিনৰ ভিতৰতে পাকিস্তানৰ ৰাজনৈতিক মহলত পৰিচিত হৈ পৰে।