মুখ্য মন্ত্ৰী, স্বাস্থ্য মন্ত্ৰীৰ নিৰ্দেশক কোনো গুৰুত্বই নিদিয়ে ৰোগীৰ জীৱনক লৈ হেতালি খেলা হায়দৰাবাদস্থিত ব্যক্তিগত প্ৰতিষ্ঠান জি ভি কে ইম আৰ আয়ে। এই কথা প্ৰমাণ কৰিছে বুধবাৰে জৰুৰীকালীন সেৱাৰ কৰ্মচাৰী সকলে কৰ্মবিৰতি সাময়িকভাৱে প্ৰত্যাহাৰ কৰি কৰ্তব্য যোগদান কৰবিলৈ যোৱা অৱস্থাত এই ব্যক্তিগত প্ৰতিষ্ঠানটোৱে বাধা দিয়া কাৰ্যই।
উল্লেখযোগ্য যে জৰুৰীকালীন সেৱাৰ কৰ্মচাৰী সকলে তেওঁলোকৰ বিভিন্ন সমস্যা সমাধানৰ দাবীত যোৱা ৫ ছেপ্টেম্বৰৰ কৰ্মবিৰতি পালন কৰি প্ৰতিবাদ অব্যাহত ৰাখিছিল। কিন্তু মঙলবাৰে মুখ্য মন্ত্ৰী আৰু স্বাস্থ্য মন্ত্ৰীৰ হস্তক্ষেপত চালক আৰু কৰ্মচাৰী সকলে কৰ্মবিৰতি সাময়িকভাৱে প্ৰত্যাহাৰ কৰে।
আৰু তেওঁলোকক ২১ ছেপ্টেম্বৰত আলোচনাৰ প্ৰস্তাৱ দিয়া হৈছিল। ফলত জৰুৰীকালীন কৰ্মচাৰী সকলে বুধবাৰৰ পৰা কৰ্তব্য পালন কৰিব খোজাত জি ভি কে নামৰ ব্যক্তিগত প্ৰতিষ্ঠানটোৱে কৰ্তব্যত যোগদান কৰাত বাধা প্ৰদান কৰে।
থলুৱা বিৰোধী এই বহিৰাগত প্ৰতিষ্ঠানটোৱে এতিয়া নিজেই বন্ধ কৰিছে জৰুৰীকালীন সেৱা সমূহ। আনকি মুখ্য মন্ত্ৰী, স্বাস্থ্য মন্ত্ৰীৰ নিৰ্দেশকো সামান্যতমো গুৰুত্ব প্ৰদান নকৰে বহিৰাগত প্ৰতিষ্ঠানটোৱে।
মন কৰিব লগীয়া যে বুধবাৰে কৰ্মচাৰী সকলে কৰ্তব্যত যোদগান কৰিবলৈ যাওঁতে কৰ্মবিৰতি সম্পূৰ্ণ ভাৱে উঠাই লোৱা বুলি লিখিত প্ৰতিশ্ৰুতি দিবলৈ প্ৰতিষ্ঠানটোৱে হেঁচা প্ৰদান কৰে। ফলত কৰ্মচাৰী সকলে এই লিখিত প্ৰতিশ্ৰুতি দিবলৈ অমান্তি হয়। যাৰ ফলত তেওঁলোকক কৰ্তব্যত যোগদান কৰিবলৈ বাদা প্ৰদান কৰে।
গতিকে অহা ২১ ছেপ্টেম্বৰ পৰ্যন্ত ৰাজ্যত জৰুৰীকালীন সেৱা সক্ৰিয়া হোৱাটো প্ৰায় অনিশ্চিত হৈ পৰিছে।
