বিগত ছবছৰে সম্পূৰ্ণ নহ’ল টীয়ক ৰজাবাৰী পশু চিকিৎসালয় ভৱনটি। ২০১৪ চনতে আধাৰশিলা স্থাপন কৰা টীয়কৰ ৰজাবাৰী পশু চিকিৎসালয়খনৰ ভৱনটি আজিও সম্পূৰ্ণ নহ’ল।
বৃহত্তৰ জাঁজীমুখৰ লগতে পশ্চিম টীয়ক গাঁও পঞ্চায়তৰ অধীনৰ বানাক্ৰান্ত অঞ্চলৰ এইখন একমাত্ৰ পশু চিকিৎসালয়।
পূৰ্বৰ গৃহটো জৰাজীৰ্ণ হোৱাৰ বাবে নতুনকৈ চিকিৎসক, কৰ্মচাৰী থাকিব পৰাকৈ প্ৰায় ৬৫ লাখ টকাৰে নিৰ্মাণ কৰা হৈছিল এই গৃহ কেইটা।
প্ৰায় ৮০% কাম সম্পূৰ্ণ হোৱাৰ পাছতো ছবছৰে এনেদৰে পৰি থাকি গৃহ কেইটা বৰ্তমান জহি খহি যোৱাৰ উপক্ৰম ঘটিছে।
গতিকে গৃহকেইটা যি উদ্দেশ্যেৰে চৰকাৰে নিৰ্মাণ কৰিছিল অনতি পলমে বাকী থকা কাম সম্পূৰ্ণ কৰি ৰাইজক এই বহুমূলীয়া চিকিৎসালয়খন উপহাৰ দিবলৈ নৱগঠিত চৰকাৰলৈ ৰাইজৈ আহ্বান জনাইছে।