অহা ১৬ অক্টোবৰৰপৰা দুদিনীয়া কাৰ্যসূচীৰে আম আদমি পাৰ্টী, অসমৰ তৃতীয় স্বেচ্ছাসেৱক অধিৱেশন গুৱাহাটীত আয়োজন কৰা হৈছে।
এই অধিৱেশনত ৰাজ্যৰ বিভিন্ন জিলাৰপৰা কেবাশ সক্ৰিয় সদস্য-সদস্যাই অংশগ্ৰহণ কৰিব।
দলীয় সূত্ৰই প্ৰকাশ কৰা মতে, আগন্তুক বিধানসভা নিৰ্বাচনৰ প্ৰতি লক্ষ্য ৰাখি এই অধিৱেশনতে জিলা আৰু সমষ্টি সমিতিসমূহে দলৰ তৃৰ্ণমূল পৰ্যায়ৰ সাংগঠনিক কাম-কাজৰ খতিয়ান দাঙি ধৰিব।
মহানগৰৰ চানমাৰিস্থিত তীৰ্থনাথ শৰ্মা সভাগৃহত অনুষ্ঠিত হ’বলগীয়া অধিৱেশনখনত অহা বিধানসভা নিৰ্বাচনত আম আদমি পাৰ্টীৰ ৰণকৌশল নিৰ্ধাৰণ কৰা হ’ব।
এই অধিৱেশনতে অসমৰ কেবাগৰাকীও বিশিষ্ট ব্যক্তিয়ে দলৰ নীতি-আদৰ্শৰ প্ৰতি আকৃষ্ট হৈ আপত যোগদান কৰিব বুলি কোৱা হৈছে।
